MAKUX 8:23 - Wa Common Language Translation

²³ Nawh Cao giex taix pui dug ngai an mai viex nawh lih hu plak praix veng, khaix hoik baig Nawh Cao rawm myia piang ngai nawh mai deuh taix tix piang nawh, Nawh Cao chawk ah nin ka kaw an, “Maix uik chix yaox tix ceu ceu lie?”

MAKUX 8:23 Iomraidhean Croise

ISAYAX 44:2

Siyiex pa phan pex, pa hoik phan hoik yuh pex, tom ka daux vaig mai tak teem ka pex ah nin kawncau Aux Yakop, pa mawh Yeshuron pa laug Aux eue, paw khi rhawm.

ISAYAX 51:18

Pui pa sang jhi daux krax ka nawh, ang lai koe tix kaux kawx, khaing ka daux kawn simex khankix khawmuik pa hoik keh nawh mai pui pa sang tuk taix nawh ang lai koe tix kaux kawx, khaing daux kawn simex khankix khawmuik, pa hoik eei nawh ting lhaong heue.

YERAMIX 31:32

mai ang awm sijax mukheu pa hoik yuh Aux mai keeing kix yam teei Aux taix tix viex kix lih hu khaing meung Ejiptux pa mawh sijax mukheu Aux pa yieh kix laux, viang Aux mawh mex ka kix kawx, Siyiex ah nin heue.

MAKUX 5:23

mai khyox khaw ka Nawh Cao ah nin, “Kawn nyawm bun iak aux, dex sang yum, hoek sonsang deuh Maix taix tix piang nawh liak, yuh ka mawx sonsang deeh moi nawh mai im heue.”

MAKUX 7:33

Nawh Cao teei nawh lih hu khaing cub pui hun, dee ang pui ot mai Nawh Cao teei gien taix tix sau daux yhaok kaw an mai Nawh Cao baig rawm mya mai teeh ka dak nawh heue.

MAKUX 8:24

Kaw an yaog ti jhak ah nin, “Aux yaox pui heue, kheu aux yaox kix awm khaox pa hu krax heue.”

MAKUX 8:26

Nawh Cao ploi nawh ing ka nyiex nawh ah nin, “Paw vi laig ka daux yaong an mai paw vi krai ka pui tix kaux kawx ka daux yaong an heue.”

KAWNCAU 23:19

Cao giex kaing naing pa ting an teei taix nawh mai hu dee ang pui ot mai chawk nawh nong nong ah nin, “Ceu pa koe maix ti sang krai ka aux, mawh pa yuh ka mawx?”

KAWNCAU 9:8

Sawlux kaoh khaing piang tiex mai yam blah nawh ngai tix, nawh ang chix yaox tidtix mai kix tuk taix nawh mai viex nawh laig ka daux veng Damase heue.

HEBRIE 8:9

tak ang khaw mai sijax mukheu pa hoik yuh Aux tau mai tax du kix khankix, ka daux singaix an yam teei Aux taix kix, ti tuk kix lih khaing meung Ejiptux heue. Grawh grawng nawh kheu ang kix lai ot ka daux sijax mukheu Aux, Aux tom hoik grham ti ang keud grawng kix heue. Simiang ah nan.

PLAK JHI 3:18

Aux nhie maix liag khri pa hoik thi ka daux ngu, sonsang lih mawh maix pa mi pa koe mai ka kraung ceep pa paing sonsang ceep ka tokaux tix, son tak ang ceu pa kaig pa tua pa kakaong maix sidawng mai ka sidah kraix ngai, ti sang kraix ka ngai maix, sonsang chix yaox maix ka heue.