MAKUX 8:2 - Wa Common Language Translation

² “Aux caux rhawm ka pui hun khankix, kheu hoik ot kix mai Aux loe ngaix mai ang koe pa ih tidtix heue.

MAKUX 8:2 Iomraidhean Croise

1 SIMIANG 19:6

Mai nawh maong ti jhak mai yaox ka blah tong ka ngu tix khlawp mai singiien rawm tix mu, koe plak kaing gaong nawh, mawh kheu nan, nawh teei ti ih mai nyaux mai baox lhiak it heue.

YAOGYAW 103:13

Awm pa caux rhawm keeing ka kawn tix, Siyiex caux rhawm ka can pui pa lhat graung ka Nawh khankix heue.

YAOGYAW 145:15

Ceu pa phan pa deuh pa im ju khankix khawmuik, maong ti jhak ka Maix mai yam hoek bawg yam, Maix tak tawx kix ih heue.

YAOGYAW 145:8

Siyiex hoik grum naog bwanson krax caux rhawm mai koe krax pa gun yeung mai krax caux rhawm Nawh kied ting heue.

MIKHA 7:19

Nawh Cao tak sang deeh koe krax caux rhawm ka ex mai tak sang dig ka krax lud ex khankix heue. Maix Cao tak sang teei ti tik phimap ex khankix ka daux dee pa raux rawm sigrit sigra heue.

MATHIEX 14:14

Yam lih hu Nawh Cao, Nawh yaox cub pui hun mai Nawh Cao caux rhawm ka kix mai cox pui saux khankix moi heue.

MATHIEX 20:34

Yesux caux rhawm, teeh ngai kiex, dom mawx dom an kiex deeh chix yaox mai hawt khaix Nawh Cao heue.

MATHIEX 9:36

Yam yaox Nawh Cao cub pui hun, Nawh koe krax caux rhawm son kix, kheu kix koe krax kha rhawm mai prung prang awm yung pa ang koe cao liang cao kia heue.

MAKUX 1:41

Yesux caux rhawm ka nawh mai nyeu taix tix teeh ka kaw an, ah nin ka nawh, “Aux koe rhawm heue. Kieh maix singax heue.”

MAKUX 5:19

Nawh Cao ang tawx akhwang ka nawh, ah nin ka nawh, “ing ka nyiex maix mai puxaik kawn keeing maix, krai kix mhong grawh grawng pa ting lhaong pa caux rhawm Siyiex mai pa yuh bwanson, son maix heue.”

MAKUX 6:32

Kix brug reu hu daux tiag tix dah dee ang pui ot.

MAKUX 6:34

Yam lih Nawh Cao Nawh yaox cub pui hun mai Nawh Cao caux rhawm ka kix, mawh kheu awm kix yung pa ang koe cao liang cao kia mai Nawh Cao sidiex gau ka kix tom nie ceu heue.

MAKUX 8:3

Phan Aux ploi kix ing ka nyiex kix, yam kawn cai rhawm kix, kix tak khrup rhawm hawt krax heue. Lheu khaing in, kix tix blah hoek khaing dee singai heue.”

MAKUX 9:22

Phi an hoik taing nawh daux ngu, daux rawm law lawx, kheu sang yuh nawh laux, heue. Phan Maix chix yuh tix ceu ceu, caux rhawm ka ex mai teem liak”

LUKAX 15:20

Nawh kaoh mai deeh hoek ka keeing tix. Yam kawn tak hoek nawh, dee singai, keeing nawh yaox nawh, koe krax caux rhawm, to ti hu, khawp ngawg nawh mai ngheut nawh heue.

LUKAX 7:13

Yam yaox Simiang ka bun an Nawh Cao caux rhawm ka kiex mai ah nin ka kiex, “Paw vi yiiem heue.”

HEBRIE 2:17

Mawh kheu nan tom tak lai yuh Nawh Cao awm ka puxaik Nawh khankix, ka daux ku ceu khawmuik, son sang lih mawh Nawh, cao giex kaing li pa ting pa chix caux rhawm mai pa kaux sijax, ka ceu pa dex mai Siyiex, son sang yuh pa tan son phimap pui khankix heue.

HEBRIE 4:15

Grawh grawng nawh ex ang koe cao giex kaing li pa ting pa ang chix caux rhawm ka ceu pa iak riang ex khankix, ex koe Kaw pa hoik sax yaox ti kham krax nyaw glaw ka can ku ceu ku blawng khawmuik, Nawh ang yuh phimap heue.

HEBRIE 5:2

Nawh mawh pa chix gun yeung ka pui pa ang tawng mai ka pui pa lud khankix mhawm mhawm, kheu khawm tokaux nawh kawx mawh pa iak riang,