MAKUX 7:4 - Wa Common Language Translation

⁴ Yam hoek kix khaing daux lah, ka ang kix nyang heem tokaux tix, kix ang ih pa ih, lheu khaing nan kawn koe been tang ceu tom nie pa hoik rieb kix ti teei ti hawt, pa mawh been phak kawk mai aw mai klong tawng khankix heue.

MAKUX 7:4 Iomraidhean Croise

YAOGYAW 26:6

Siyiex eue, aux tak sang khoek taix tix ka daux pa ang koe phimap mai ot hawt vung viang khu dee tan Maix.

ISAYAX 1:16

Sighrah tokaux cao pex yuh tokaux cao pex singax, teei ti tik can pa caox yuh pex khaing ka plak sivoe ngai Aux heue. Naox ka ceu pa yuh pa caox,

YERAMIX 35:5

Khaix an aux hoik deuh ang rawm pa naog rawm plix siiet ka khankix, ka plak sivoe ngai cub kawn praix ceu pui Rakhap mai sau ka daux kawk nyaux mai Aux ah nin ka kix, nyaux rawm plix siiet heue.

YERAMIX 4:14

“Veng Yerusaliem eue, kieh rhawm maix luan khaing ceu pa caox caig, sonsang pon maix tix hoek krax taoh. kawn sang kieh maix krax pa caox khankix ot ka daux rhawm tix been miex greeng lie?”

MATHIEX 23:25

Pui tiiem lai mai Pharishie, pui pa pie lhen khankix eue, pex tak kha rhawm heue, kheu phak pex plak praix kawk mai tawg ngie, viang mawh nan plak daux naog mai pa rud ti teei mai yuh pa ang rahsee heue.

MATHIEX 23:26

Pharishie pa dug ngai eue, phak plak daux kawk mai tawg ka ha, phan yuh nan plak praix kawx, tak singax heue.

MATHIEX 27:24

Yam tawng Pilat ka tokaux tix ang chix yuh tidtix mai yaox pui dex simah ka paox tix, nawh teei rawm mai khoek taix tix sivoe pui hun khankix mai ah nin “Aux ang koe dee lud, aux luan khaing nham Pui pa rahsee in. Pex jhak grawh grawng in heue.”

MAKUX 7:8

Pex tik vud lox tawm jhawm krai Siyiex mai giex been kawn pui tom sied heue.”

YOHAN 2:6

Ka dee an koe ang simaox liah mu, awm pa khaw mai been pui Yudax khankix ti kieh singax heue. Tix mu ang, kub sau rawm ra loe glawm.

YOHAN 3:25

Yam an kawncau Yohan khankix mai pui Yudax tix kaux thung thiang paox tix grawng pa kieh singax.

HEBRIE 9:10

kheu khankix mawh ngie ka pa ih mai pa nyaux mai pa khoek pa heem tom nie ceu, pa mawh been nex nham pa hoik deuh tom sang hoek bawg yam yam sang cox yuh pa khraox khaing heue.

YAKOP 4:8

Greed tix hoek dex ka Siyiex mai Nawh Cao tak greed tix hoek dex ka pex heue. Pui pa koe phimap khankix eue, kieh taix pex khankix singax heue. Pex pa koe rhawm ra mu khankix eue, kieh rhawm pex singax singeh heue.

1 YOHAN 1:7

Viang mawh nan phan ex hu ka daux pa riang, awm ot Nawh Cao ka daux pa riang, ex yaox ti mawh paox pie ka paox tix mai nham Kawn Nawh Yesux sigrhah ex singax khaing phimap khawmuik heue.