MAKUX 7:28 - Wa Common Language Translation

²⁸ Viang mawh nan bun an deeh pawk lox mai ah nin ka Nawh Cao, “Mawh heue, Simiang eue, viang mawh sox khankix kawx, ih pa cod pa roik greem pheen sawm kawn praix khankix heue.”

MAKUX 7:28 Iomraidhean Croise

YAOGYAW 145:16

Maix di taix tix mai kieh can pa im ju khankix sak heue.

ISAYAX 45:22

“Pex pa ot ku sidah haktiex eue, deeh hoek ka Aux pex tak pon krax taoh, mawh kheu Aux mawh Siyiex mai ang lai koe siyiex tang kaux.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

MATHIEX 15:27

Bun an deeh ah nin, “Mawh heue, Simiang eue, pie sox khankix kawx, ih pa cod pa roik greem pheen cao tix heue.”

MATHIEX 5:45

Kheu sonsang mawh pex kawn Keeing pex pa ot daux meung raoma, kheu Nawh kieh singaix lih piang pui caox pui mhawm mai Nawh kieh lhiex lih piang pui rahsee mai pui ang rahsee heue.

MAKUX 7:27

Nawh Cao ah nin ka kiex, “Kieh kawn praix sawm tom sak ka ha, mawh kheu ang khaw ti teei blah cie kawn praix khankix taing ka sox heue.

MAKUX 7:29

Nawh Cao baox ah nin ka kiex, “Mawh kheu gumlox in pax hu heue. Phicaox hoik lih hu khaing daux kawn bun pax heue.”

ROMAX 10:12

Pui Yudax ang ah, pui Helasax ang ah, ang lai tang siyox, mawh kheu mawh ngie Simiang tix kaux khaing, pa mawh Simiang khawmuik, pa mawh pa mi pa koe ka son kix can pa kok ka Nawh khawmuik heue.

ROMAX 3:29

Siyiex mawh ngie Siyiex pui Yudax khaing lie? Nawh mawh Siyiex khawm pui tang ceu ang mawh lie? Mawh heue, mawh Siyiex khawm pui tang ceu heue.

EFESUX 3:8

Ka aux pa mawh pa nie iak khaing pui pa singax singeh khawmuik, hoik tawx bwanson in, pa kieh aux sidiex lox bwan gaux rhawm ka pui tang ceu, grawh grawng pa mi pa koe pa ang lai dak uik sawg sikaw ti yaox cie Cao Khrit,