MAKUX 7:22 - Wa Common Language Translation

²² Ceu pa briex mai ceu pa ghoing ka cie pui mai ceu pa yuh pa caox khankix, ceu pa pie lhen, ceu pa mie ti yuh ceu pa ang khaw ang jiet, ceu pa boh rhawm pa khoi mai ceu pa salao ka Siyiex, ceu pa ting rhawm, pa yuh ceu pa daox aw khankix heue.

MAKUX 7:22 Iomraidhean Croise

2 GRAWNG BEEN 32:31

Viang yuh nan kawx, son grawng cao cau tang cub simiang Babulon khankix, pa hoik ploi kix hoek ti chawk grawh grawng pa daox deng pa hoik yuh nawh ka daux haktiex an, Siyiex hoik deeh yoi tix khaing nawh, sonsang cheuk ti yaox nawh mai sonsang pon tawng Nawh Cao pa koe ka daux rhawm nawh khawmuik heue.

YAOGYAW 10:4

Pui pa ang rahsee khankix, keud daux rhawm ti ah nin, “Nawh Cao ang lai deeh teei, ” Kheu ang Siyiex koe heue.

YAOGYAW 119:36

Kieh aux koe rhawm rhi, ka grawng ceu pa kham sakse, lheu khaing pa koe rhawm pa mi pa koe liak.

LOX KAB 12:23

Pui pa koe pingnya satix, nawh chix mox ka ceu pa tawng tix heue. Pui pa caox khankix, chix jhi ka jhawm pa kwa nawh heue.

LOX KAB 22:15

Rhawm pa caox, kie ti deuh ka daux rhawm kawn nyawm heue. Viang mawh nan, khaox saux pa sivied tix gau, grheu ti tik ka rhawm an singai heue.

LOX KAB 23:6

Paw lai ih priex pa yuh pui pa koeng riang ciang khoi mai paw lai simie ka pa ih kix.

LOX KAB 24:9

Krax pa keud pui caox khankix, mawh phimap mai pui pa yuh pa ang cee ang cag khankix mawh ceu pa seeing brai pui kah heue.

LOX KAB 27:22

Pui caox khankix, teei tix tah daux po tau mai nghox kawx, ang cu tix lih khaing nawh heue.

LOX KAB 28:22

Pui pa coca tix sawg ka mau khri, chix boh rhawm pa caox mai ang tawng ceu pa sang hoek krax pa hot sibhawm khaix.

SIDIEX 7:25

Rhawm aux deeh keud ti yaox sonsang tawng mai sawg cied ti yaox ka pingnya mai ka grawng ceu an khankix, sonsang tawng ka pa caox caig, pa dex mai phimap mai pa vao pa caox mai pa yhot vaw heue.

ISAYAX 59:13

ka grawng pa lud mai daux krax pa thiang ti tik ka Siyiex mai krax pa lih hu khaing Siyiex ex, krax ah lox pa yeen ya mai krax pa deeh tieh feen mai krax krai lox pa ang mawh ang meh mai krax pa hawt ah lox khaing daux rhawm tix, pa mawh gumlox pa lud loe khankix heue.

ISAYAX 59:7

Caong kix to ti hu ka pa caox mai kix nied ti yuh krax pa jauh nham pui pa ang koe phimap. Krax keud kix mawh krax keud pa koe map, krax pa nai mai krax pa laux leeing koe ka daux krax hu kix heue.

YERAMIX 17:9

Rhawm kawn pui mawh pa lheu chix pie lhen khaing kuceu khawmuik mai koe ceu pa caox caig sigrien sigre, mawh pui mawx pa pon tawng ka an lie?

MATHIEX 20:15

Aux ang koe akhwang ti laug yuh ka ceu pa shiang ka aux lie? Phan ang mawh nan boh rhawm maix kheu mhawm rhawm aux lie?

MATHIEX 6:23

Viang mawh nan, phan ngai maix ang mhawm koe, tokaux maix tak naog pa faik khawmuik heue. Mawh kheu nan, phan pa riang pa koe daux maix lih mawh pa faik, pa faik an kied faik miex ding.”

MAKUX 7:21

Kheu mawh khaing plak daux, daux rhawm kawn pui pa chix keud ceu pa ang mhawm ang mhiem khankix heue. Pa mawh ceu pa lud mai moeng pui, ceu pa lud vao mai bun, ceu pa pah pui yum,

MAKUX 7:23

Ceu pa ang mhawm mhiem ceu in khawmuik, mawh ceu pa lih khaing plak daux mai kieh pui seeing heue.”

2 KAWRINTHUX 10:5

Yam yieh ex ka ceu pa lak keud laux mai can ceu pa lhaong ku ceu pa hoik yuh ti tieb tie ka krax pa tawng ka Siyiex mai teei ti viex ka pa keud ku ceu son sang giex gang ka pa cu nghiet ka Cao Khrit heue.

PINGNYAP 15:9

Yuh satix maix mai ang pon ti keud pa caox caig ka daux rhawm tix ah nin, num aliah, num pa pluat ploi hoik dex phao, ngai maix tak koe krax caox krax caig piang puxaik hot maix khankix mai ang rhawm tawx tix ceu kawx ka nawh mai nawh tak riag yo ka Simiang Siyiex kheu jao maix, phimap tak hoek piang maix.

PINGNYAP 28:54

Simex pa awn nex nham kaux hak ka daux sinax pex, tak koe rhawm pa koeng ka puxaik nawh mai ka moeng pa koe piang naok nawh mai khawm kawn praix pa kawn deuk khankix,

PINGNYAP 28:56

Bun pa awn nex nham kaux hak ka daux sinax pex pa ang sax pon kieh caong tix dig piang tiex kheu jao pa awn nex nham kaux hak an, tak koe rhawm pa koeng ka mex pa koe piang naok tix mai ka kawn simex kawn bun tix,

1 PETRUX 2:15

Pex tak lai pon kieh lox pui daox pa ang chix tawng khankix yiien glaik tix kheu ceu pa yuh tix pa mhawm grawh grawng nawh Siyiex koe alo yuh nan heue.

1 PETRUX 5:5

Awm an pex pa awn ju khankix eue, kieh cu nghiet ka kuad song ceu cao heue. Lheu khaing an, pex khawmuik rawd nyoi tix ka pa awn rhawm ti sang yuh son paox tix, tix kaux lai tix kaux, mawh kheu, “Siyiex tiebtie ka pui pa ting rhawm, viang mawh nan Nawh tawx bwanson ka pui pa awn rhawm heue.”