MAKUX 7:21 - Wa Common Language Translation

²¹ Kheu mawh khaing plak daux, daux rhawm kawn pui pa chix keud ceu pa ang mhawm ang mhiem khankix heue. Pa mawh ceu pa lud mai moeng pui, ceu pa lud vao mai bun, ceu pa pah pui yum,

MAKUX 7:21 Iomraidhean Croise

YAM JAH 6:5

Simiang Siyiex yaox pa caox caig yuh kawn pui hoik ting lhaong piang haktiex, krax keud kix, mawh pa ang mhawm khaing heue.

YAM JAH 8:21

Siyiex khaw rhawm mai rieb ka pa sioe bhawng an mai Simiang Siyiex ah nin ka daux rhawm tix, “Aux tak ang lai baox jhax lawg ka haktiex kheu jao kawn pui khaix in tix bawg kawx, mawh kheu kawn pui koe rhawm pa caox caig jah tom yam iak tix, Aux tak ang lai baox yuh can pa im ju khankix laux leeing awm pa hoik yuh Aux bawg in heue.

YAWBAX 14:4

Mawh pui mawx pa sang pon teei ceu pa singax lih khaing daux pa ang singax lie? Ang koe pie tix kaux kawx heue.

YAWBAX 25:4

Sang pon rahsee pui ka plak sivoe ngai Siyiex yuh ka mawx lie? Pui pa keh khaing bun tak sang singax yuh ka mawx?

YAOGYAW 119:36

Kieh aux koe rhawm rhi, ka grawng ceu pa kham sakse, lheu khaing pa koe rhawm pa mi pa koe liak.

YAOGYAW 14:1

Pui pa daox pa aw khankix keud ti ah nin ka daux rhawm tix, “Ang Siyiex koe, ” Mai kix mawh pui pa hoik cux sium mai yuh pa seeing brai heue. Pui pa yuh pa mhawm ang koe tix kaux kawx.

YAOGYAW 14:3

Kawn pui khawmuik hoik lud krax mai hoik cux sium awm paox tix khawmuik, pui pa yuh pa mhawm ang koe, pon ang koe pie tix kaux kawx.

YAOGYAW 53:1

Pui pa daox aw khankix, keud ti ah nin ka daux rhawm tix, Siyiex ang koe mai kix mawh pui pa hoik cux sium mai chix yuh ceu pa seeing brai heue. Pui pa yuh pa mhawm mhiem ang koe tix kaux kawx.

YAOGYAW 53:3

Kawn pui khawmuik, hoik lud krax mai hoik cux sium awm paox tix khawmuik mai pui pa yuh pa mhawm mhiem ang koe, pie tix kaux kawx ang koe.

LOX KAB 15:25

Siyiex, tak yieh laux nyiex pui pa ting rhawm, phan mawh gwang dee ot miexmai tak kieh kaux cong heue.

LOX KAB 4:23

Mawh kheu sok rhawm maix, mawh jaong num riah pa im ju, priex sok rhawm maix khaing kuceu khawmuik heue.

ISAYAX 59:13

ka grawng pa lud mai daux krax pa thiang ti tik ka Siyiex mai krax pa lih hu khaing Siyiex ex, krax ah lox pa yeen ya mai krax pa deeh tieh feen mai krax krai lox pa ang mawh ang meh mai krax pa hawt ah lox khaing daux rhawm tix, pa mawh gumlox pa lud loe khankix heue.

ISAYAX 59:7

Caong kix to ti hu ka pa caox mai kix nied ti yuh krax pa jauh nham pui pa ang koe phimap. Krax keud kix mawh krax keud pa koe map, krax pa nai mai krax pa laux leeing koe ka daux krax hu kix heue.

YERAMIX 16:12

Pex hoik nie lheu yuh pa caox khaing keeing tix, jhak heue, mawh kheu ku kaux hoik hawt hu awm krax keud rhawm cao tix, tom ang pui tix kaux kawx lai nghiet ka Aux heue.

YERAMIX 17:9

Rhawm kawn pui mawh pa lheu chix pie lhen khaing kuceu khawmuik mai koe ceu pa caox caig sigrien sigre, mawh pui mawx pa pon tawng ka an lie?

YERAMIX 4:14

“Veng Yerusaliem eue, kieh rhawm maix luan khaing ceu pa caox caig, sonsang pon maix tix hoek krax taoh. kawn sang kieh maix krax pa caox khankix ot ka daux rhawm tix been miex greeng lie?”

YEZAKELAX 38:10

Siyiex ah nin daux singaix an, rhawm keud pa caox caig tak lih ka daux rhawm rhi maix,

MATHIEX 15:19

Kheu ceu pa keud pa ang mhawm khankix, pa mawh ceu pa pah pui yum, ceu pa lud mai moeng pui, ceu pa lud mai bun, ceu pa briex, ceu pa kham mhai rug pa ang mawh meh mai ceu pa salao, lih khaing daux rhawm heue.

MATHIEX 9:4

Viang mawh nan, Yesux tawng pa keud kix daux rhawm tix ah nin, “Kheu pa tix pex lai keud pa caox daux rhawm tix?”

MAKUX 7:20

Nawh Cao baox ah nin, “Mawh ceu pa lih khaing daux kawn pui pa chix kieh nawh seeing heue.

MAKUX 7:22

Ceu pa briex mai ceu pa ghoing ka cie pui mai ceu pa yuh pa caox khankix, ceu pa pie lhen, ceu pa mie ti yuh ceu pa ang khaw ang jiet, ceu pa boh rhawm pa khoi mai ceu pa salao ka Siyiex, ceu pa ting rhawm, pa yuh ceu pa daox aw khankix heue.

LUKAX 16:15

Nawh Cao ah nin ka kix, “Pex mawh pui pa yuh awm grang pa rahsee sivoe kawn pui, viang mawh nan Siyiex tawng rhawm rhi pex. Mawh kheu pa yaog kawn pui ti kieh ting, mawh pa seeing brai sivoe ngai Siyiex heue.

KAWNCAU 5:4

Yam kawn koe haktiex an mawh cie maix ang mawh lie? Khaix hoik coh haktiex an maix sang yuh ka mawx ka ngawh an koe ka maix ang mawh lie? Kheu maix lai keud ti yuh ceu in ka daux rhawm maix? Maix hoik pie ka kawn pui ang mawh, viang mawh nan, hoik pie ka Siyiex heue.”

KAWNCAU 8:22

Mawh kheu nan, doh keud ka phimap ceu pa caox pa yuh maix in, mai rawg bwan ka Siyiex, sonsang ploi Nawh phimap pa hoik keud maix daux rhawm tix heue.

ROMAX 7:5

Grawh grawng nawh yam kawn ot ex ka daux nex nham, rhawm pa sang yuh phimap, lih kheu lox lai beenli mai yuh ka daux kraung pakpeung tokaux ex, sonsang lih ex ti plix plix ka krax yum heue.

ROMAX 7:8

Viang mawh nan yam yaox phimap deeh pon yuh, kheu lox tawm an, tom yuh pa ghoing kuceu khawmuik ka daux aux heue. Grawh grawng nawh phan lox lai beenli ang koe, phimap mawh pa yum heue.

KAWLAWSIE 3:5

Mawh kheu nan teei kraung pakpeung tokaux pex yum ka ceu pa koe ka piang haktiex, pa mawh pa phit vao, pa ang singax singeh, alo nex nham, pa simie pa caox, pa ghoing, pa mawh ceu pa krub riang grang heue.

TITUX 3:3

Ex kawx hoik sax mawh pui pa daox aw tix bawg, pa ang chix cu nghiet, pa hoik pie lhen kah, pa hoik yuh son alo nex nham mai krax gaux rhawm ku ceu, ot ka daux pa nieb keud ti yuh pui laux, pa boh rhawm, pa chix koeng, koeng ka paox tix, tix kaux lai tix kaux heue.

YAKOP 2:4

Pex yuh pa tang pa siyox ka daux sinax pex mai lih mawh cao prawng cao ca, pa keud pa caox pa ang mawh ang meh, ang mawh lie?