MAKUX 6:34 - Wa Common Language Translation

³⁴ Yam lih Nawh Cao Nawh yaox cub pui hun mai Nawh Cao caux rhawm ka kix, mawh kheu awm kix yung pa ang koe cao liang cao kia mai Nawh Cao sidiex gau ka kix tom nie ceu heue.

MAKUX 6:34 Iomraidhean Croise

1 SIMIANG 22:17

Nawh ah nin, “Aux hoik yaox pui Isarelax prung prang ka piang gawng awm yung pa ang koe cao liang heue. “Mai Simiang Siyiex ah nin, pui inkix ang lai koe cao simiang, kieh kix deeh ing ka nyiex tix ka daux pa nhim heue.”

2 GRAWNG BEEN 18:16

Khaix an, nawh ah nin, aux yaox ka hoik prung prang ceu pui Isarelax khawmuik piang gawng awm cub yung pa ang lai koe cao liang heue. Siyiex ah nin, “Pui inkix ang lai koe cao heue. Kieh kix tang deeh ing ka nyiex cao tix ka daux krax pa nhim heue.

ISAYAX 13:14

An tak awm cak shiang pa hoik leue tix mai awm yung pa ang koe cao priex heue. Pui ku kaux tak veeh ngai tix ka ceu pui tix kaux mawx kaux an, mai pui ku kaux tak deeh ka meung cao tix kaux mawx kaux an heue.

YERAMIX 50:6

Pui Aux khankix hoik sax mawh yung pa grai heue. Cao liang yung hoik thong kix lud krax mai kix hoik lud hu khaing tix gawng hoik tix gawng heue. Kix hoik piawm ka dee laux lee tix heue.

YEZAKELAX 34:5

“Mawh kheu nan, kix hoik prung prang kheu ang cao liang yung lai koe, mai kix lih ti mawh ceu pa ih son totiag, yam hoik prung prang rairuat kix heue.”

ZAKHARIX 10:2

Grawh grawng nawh, riang grang Terap khankix, krai lox pa giex going, cao pa sipawk kawx, yaox riang susai pie lhen khankix mai sawg ti krai grawng dee bleeh camaox pa lud loe mai kix tawx krax nyawm rhawm pa giex going heue. Mawh kheu nan, pui khankix hoik vu vie ka daux krax hu tix, awm yung khankix, kix hoek ka daux krax pa kha rhawm kheu ang cao liang lai koe heue.

SIMIN 27:17

pui pa sang pon hu laig ka plak sivoe kix mai pui pa pon thung kix lih mai pa pon viex kix laig, sonsang ang pui Simiang Siyiex khankix awm yung pa ang koe cao liang.”

MATHIEX 14:14

Yam lih hu Nawh Cao, Nawh yaox cub pui hun mai Nawh Cao caux rhawm ka kix mai cox pui saux khankix moi heue.

MATHIEX 15:32

Khaix an Yesux kok kawncau Nawh khankix hoek ka tix ah nin, “Aux caux rhawm ka pui hun khankix, kheu hoik ot kix mai Aux loe ngaix mai ang koe pa ih tidtix mai ang Aux rhawm ploi kix hu yam kawn cai rhawm kix. Phan yuh nan ha kix kox khrup hawt krax heue.”

MATHIEX 9:36

Yam yaox Nawh Cao cub pui hun, Nawh koe krax caux rhawm son kix, kheu kix koe krax kha rhawm mai prung prang awm yung pa ang koe cao liang cao kia heue.

MAKUX 6:33

Yam yaox pui kix hu mai tawng mawh kix, pui khrawm paox tix to hu ka caong tix, khaing yaong khaing veng khawmuik mai hoek ka sivoe kix heue.

MAKUX 6:35

Yam uik dex sang hoek ponbo, kawncau Nawh khankix hoek ka Nawh Cao ah nin, “Ka dee in mawh ka daux tiag heue. Mai dex sang hoek yam ponbo.

MAKUX 8:1

Daux bawg yam singaix an khankix, yam baox koe cub pui hun mai kix ang koe pa ih tidtix. Nawh Cao kok kawncau Nawh khankix ah nin,

MAKUX 8:2

“Aux caux rhawm ka pui hun khankix, kheu hoik ot kix mai Aux loe ngaix mai ang koe pa ih tidtix heue.

LUKAX 9:11

Viang mawh nan cub pui hun khankix, tawng grawng an mai hawt Yesux, Yesux rieb kix mai krai kix mhong grawng Meung Siyiex, Nawh cox pa koe jhawm saux kix moi heue.

HEBRIE 2:17

Mawh kheu nan tom tak lai yuh Nawh Cao awm ka puxaik Nawh khankix, ka daux ku ceu khawmuik, son sang lih mawh Nawh, cao giex kaing li pa ting pa chix caux rhawm mai pa kaux sijax, ka ceu pa dex mai Siyiex, son sang yuh pa tan son phimap pui khankix heue.

HEBRIE 4:15

Grawh grawng nawh ex ang koe cao giex kaing li pa ting pa ang chix caux rhawm ka ceu pa iak riang ex khankix, ex koe Kaw pa hoik sax yaox ti kham krax nyaw glaw ka can ku ceu ku blawng khawmuik, Nawh ang yuh phimap heue.