MAKUX 6:15 - Wa Common Language Translation

¹⁵ Pui tang kaux tix blah ah, “Mawh Eliyax heue.” Tang kaux tix blah ah, “Mawh Cao jhai, awm cao jhai khankix tix kaux kaux pa koe phao ka heue.”

MAKUX 6:15 Iomraidhean Croise

MALAKHIX 4:5

Jhak heue, sivoe sang hoek singaix Siyiex pa ting lhaong mai pa koe pa lhat graung, Aux tak sang ploi cao jhai Eliyax hoek ka pex heue.

MATHIEX 16:14

Kix deeh ah nin, “Tix blah ah mawh Yohan cao cubcom, viang mawh nan tix blah ah mawh Eliyax mai tang kaux ah mawh Yeramix, phan ang mawh nan, mawh cao jhai tix kaux kaux heue.”

MATHIEX 21:11

Cub pui hun khankix ah nin, “In mawh cao jhai, Yesux, pa hoek khaing veng Nazariet ka daux meung Galilie heue.”

MAKUX 6:16

Yam mhong Herut grawh grawng ceu an nawh ah nin, “In mawh Yohan pa hoik kid aux kaing nawh, pa hoik deeh kaoh im heue.”

MAKUX 8:28

Kix krai ka Nawh Cao ah nin, “Tix blah ah mawh Yohan cao cubcom, tix blah ah mawh Eliyax, tix blah ah mawh Cao jhai tix kaux kaux heue.”

LUKAX 1:17

Nawh tak sang hu sivoe Nawh Cao ka daux khuan mai siawp sibrawm Eliyax, sonsang kieh keeing khankix mai kawn praix tix, deeh khaw paox tix mai sonsang kieh pa lheu lox khankix deeh hu ka daux pingnya pa rahsee khankix, sonsang cox pui tix ceu mawh pa hoik rien son Siyiex heue.

LUKAX 7:16

Pui khawmuik lhat graung kah mai kix yaogyaw Siyiex ah nin, “Cao jhai pa ting hoik lih sinax ex tix kaux mai Siyiex hoik hoek ti jhak pui cie Nawh heue.”

LUKAX 7:39

Pharishie pa hoik kok Nawh Cao yaox grawng an, nawh keud ah nin ka daux tokaux tix, “Phan Pui in mawh Cao jhai, Nawh tee hoik tawng grawng bun pa teeh Nawh in, mawh pui pa yuh ka mawx, grawh grawng nawh mawh bun ting map heue.”

LUKAX 9:19

Kix deeh ah nin tix blah ah, “Mawh Yohan cao cubcom, viang mawh nan tang kaux tix blah ah, mawh Eliyax mai tang kaux tix blah baox ah, mawh cao jhai phao ka didix, hoik deeh kaoh tix kaux kaux heue.”

LUKAX 9:8

Tiblah ah Eliyax hoik lih hoek mai tang kaux khankix ah, cao jhai phao ka didix hoik deeh kaoh tix kaux kaux heue.

YOHAN 1:21

Kix baox chawk nawh, “Phan mawh nan maix mawh pui yuh ka mawx? Maix mawh Eliyax lie?” Nawh baox ah nin, “Aux ang mawh” “Maix mawh Cao jhai an lie?”? Nawh baox deeh pawk lox in, “Ang mawh heue.”

YOHAN 1:25

Kix baox chawk ka nawh ah nin, “Phan maix ang mawh Cao Khrit, ang mawh Eliyax, ang mawh Cao jhai an, yuh patix maix lai cubcom pui ka rawm lie?”

YOHAN 6:14

Mawh kheu nan yam yaox pui mhai pa daox am pa hoik yuh Nawh Cao kix ah nin, “Kaw in mawh Cao jhai an tete pa hoek piang haktiex heue.”

YOHAN 7:40

Mawh kheu nan daux cub pui hun tix blah yam mhong kix lox ceu in, kix ah nin, “Kaw in mawh Cao jhai an tete heue.”

YOHAN 9:17

Mawh kheu nan kix deeh baox chawk pui pa hoik dug ngai an ah nin, “Kheu cox Nawh ngai maix blah maix sang ah ka mawx grawng Nawh?” Nawh pawk ah nin, “Nawh mawh Cao jhai heue.”