MAKUX 5:29 - Wa Common Language Translation

²⁹ Nham nawh hit dom mawx dom an mai nawh tawng daux tokaux tix grawh grawng jhawm saux nawh hoik moi heue.

MAKUX 5:29 Iomraidhean Croise

1 SIMIANG 8:37

Yam sibhawm praix ka piang haktiex ang ah, jhawm saux preng ang ah, jhawm saux muad ang ah mai yam yum khaox ox ka bhaung pa si aoh mai khaox yum kheu jauh rawm tix lih khaing ang ah, yam lih sido nghox ti yuh ka ma koi laux ang ah mai yam hoek pui koeng tix lai lawm ka veng kix ang ah mai khawm jhawm saux ceu pa yuh ka mawx ang ah,

YAOGYAW 103:3

Nawh Cao hoik pluat ploi phimap maix kuceu mai hoik kieh jhawm saux maix moi khawmuik heue.

YAOGYAW 107:20

Nawh Cao ploi gumlox tix mai kieh jhawm saux kix moi mai taoh kix lih khaing daux pa laux leeing heue.

YAOGYAW 147:3

Nawh Cao kieh pui pa laux rhawm khankix nyawm rhawm mai pai dee saux kix moi heue.

YAOGYAW 30:2

Siyiex aux eue, aux kok yo ka Maix mai Maix kieh aux nyawm rhawm heue.

LIH HU 15:26

Nawh ah nin “Phan pex cu nghiet ka lox Siyiex leeing ju pex mai yuh pa rahsee sivoe ngai Nawh Cao mai daong yhaok tix ka gumlox pingnyap Nawh khankix mai hawt gumlox beenli Nawh, Aux tak ang lai deuh jhawm saux ka piang pex tix ceu kawx, awm pa hoik viex Aux hoek ka piang pui Ejiptux. Mawh kheu Aux mawh Siyiex leeing ju Cao pai jhawm saux pex.

KRUB 14:48

Phan cao giex kaing li laig ka daux mai jhak lia ka mai phan jhawm saux sipawg ang nyang tah ka daux nyiex, khaix hoik deeh cox kawb kix ka nyiex, khaix an cao giex kaing li tak krai pao nyiex an mawh pa singax, mawh kheu hoik grai jhawm saux sipawg.

KRUB 20:18

Phan simex tix kaux hu it mai bun yam kawn koe nham mee nawh mai plih tokaux kakaong krax kaig tua nawh mai phan nawh hoik yaox krax lih nham nawh mai phan bun an ang kheem ka nham tix, kiex khawm ra tak mawh pa teei ti tik khaing ceu pui kix.

MATHIEX 9:20

Yam an bun tix kaux pa hoik koe jhawm saux pa lih nham, kao ra num, hoek plak khaix Nawh mai teeh caong kraung ceep Nawh Cao heue.

MAKUX 3:10

Mawh kheu Nawh hoik cox pui moi tom nie, can pui pa koe jhawm saux khawmuik, tom theen ka Nawh sonsang pon teeh kix ka Nawh Cao.

MAKUX 5:28

Nawh keud ah nin, “Phan aux teeh kraung ceep Nawh Cao khaing, aux tak moi heue.”

MAKUX 5:34

Nawh Cao ah nin ka nawh, “Kawn bun Aux eue, krax yum rhawm maix hoik kieh maix moi, hu mhawm mhawm heue. Kieh maix luan khaing jhawm saux maix heue.”

LUKAX 7:21

Ka daux bawg yam nari an, Nawh Cao cox jhawm saux tom nie ceu mai jhawm saux preng khankix mai pa laig phicaox phicaig khankix mai Nawh Cao cox pui dug ngai haoh hun, kieh deeh chix yaox heue.