MAKUX 5:23 - Wa Common Language Translation

²³ mai khyox khaw ka Nawh Cao ah nin, “Kawn nyawm bun iak aux, dex sang yum, hoek sonsang deuh Maix taix tix piang nawh liak, yuh ka mawx sonsang deeh moi nawh mai im heue.”

MAKUX 5:23 Iomraidhean Croise

2 SIMIANG 5:11

Viang mawh nan, Ne man kied koe krax pa song rhawm nawh deeh veeh ti hu ka plak dee singai ah nin, “Aux keud ah nin ka daux rhawm tix tete, nawh tak mawh pa caw ti lih hoek ka aux, cung mai kok ka ceu kaux Siyiex nawh mai vuh vied taix tix ka piang dee saux an mai pai ka jhawm saux sipawg aux heue.

YAOGYAW 107:19

mai kix kok yo ka Siyiex, yam yaox kix krax pa hot pa sibhawm, Nawh Cao taoh kix ka daux pa kha rhawm heue.

YAOGYAW 50:15

Yam hoek krax khi rhawm kok yo ka Aux mai Aux tak taoh maix heue. Maix tak yaogyaw ka min plakngai Aux heue.

MATHIEX 8:3

Nawh Cao nyeu taix tix mai teeh ka kaw an ah nin, “Aux koe rhawm heue, kieh maix singax heue.” Dom mawx dom an pa sipawg nawh singax heue.

MAKUX 16:18

Kix tak sang pon teei ti yaog siuing mai phan kix nyaux pa awp tix ceu ceu, ang chix kieh kix saux tidtix. Kix tak sang deuh taix tix piang pui saux pui ngia mai kix tak moi heue.”

MAKUX 5:24

Nawh Cao hu tau mai kaw an mai cub pui hun hawt khaix Nawh mai theen ka Nawh Cao heue.

MAKUX 6:13

Kix grheu phicaox lih tom nie mai kix groi rawm bee ka pui saux haoh hun mai cox kix moi heue.

MAKUX 7:32

Kix viex pui pa lheet yhaok mai kle yam sikah tix kaux mai kix khyox khaw ka Nawh Cao, nhie Nawh deuh taix tix piang kaw an heue.

MAKUX 8:23

Nawh Cao giex taix pui dug ngai an mai viex nawh lih hu plak praix veng, khaix hoik baig Nawh Cao rawm myia piang ngai nawh mai deuh taix tix piang nawh, Nawh Cao chawk ah nin ka kaw an, “Maix uik chix yaox tix ceu ceu lie?”

LUKAX 13:13

Nawh Cao teei taix tix deuh ka piang nawh, nawh uik see dom mawx dom an mai yaogyaw bwanson Siyiex heue.

LUKAX 4:38

Nawh Cao yaog ti kaoh khaing nyiex sidiex mai laig ka daux nyiex Simon. Miex moeng Simon kin saux, kheu nan kix tom khyox khaw Nawh Cao son kiex heue.

LUKAX 4:40

Yam uik klip singaix kix khawmuik pa koe pui saux pui ngia kuceu viex kix hoek ka Nawh Cao mai Nawh deuh taix tix piang kix ku kaux mai kieh kix moi heue.

LUKAX 7:12

Yam hoek Nawh Cao ka dex siviex veng, jhak heue, kix klawm pui yum lih tix kaux, pa mawh kawn simex miexmai pa koe tix kaux khaing, mai pui veng an tom nie ot tau mai kiex heue.

YOHAN 11:3

Mawh kheu nan, nan kiex ploi pui hu ka Nawh Cao ah nin, “Simiang eue, kaw pa moh Maix koe jhawm saux heue.”

KAWNCAU 28:8

Yam an keeing simiang Publi saux hoek mai saux vaig nham mai it heue. Pawlux laig hu ka nawh mai rawg bwan mai deuh taix tix piang nawh mai cox nawh moi heue.

KAWNCAU 6:6

Kix deuh kix sivoe kawncau pa ting khankix mai khaix hoik rawg kix bwan, kix teei taix tix deuh piang kix heue.

KAWNCAU 8:17

Yam an kiex deuh taix tix piang kix mai kix pon Khuan Singax Singeh heue.

KAWNCAU 9:12

Nawh hoik yaox pui tix kaux pa kaux Ananix hoek ti laig mai deuh taix tix piang nawh, sonsang deeh chix yaox nawh heue.”

KAWNCAU 9:17

Ananix lih hu mai laig ka daux nyiex an mai deuh taix tix piang Sawlux ah nin, “Pux Sawlux eue, Simiang Yesux pa hoik lih bleeh ka maix, daux krax pa hoek maix, ploi aux sonsang pon maix ti deeh yaox mai naog ka Khuan Singax Singeh heue.”