MAKUX 5:19 - Wa Common Language Translation

¹⁹ Nawh Cao ang tawx akhwang ka nawh, ah nin ka nawh, “ing ka nyiex maix mai puxaik kawn keeing maix, krai kix mhong grawh grawng pa ting lhaong pa caux rhawm Siyiex mai pa yuh bwanson, son maix heue.”

MAKUX 5:19 Iomraidhean Croise

2 SIMIANG 5:4

Ne man laig ka dee ot simiang cao tix mai krai nawh mhong ah nin, “Bun Isarelax an hoik ah awm Grawng pa yuh nin, ”

YAOGYAW 66:16

Pui pa lhat graung ka Siyiex khankix khawmuik eue, hoek ti nghiet heue. Aux tak sang krai pex mhong grawng pa hoik yuh Nawh bwanson ka ju aux heue.

DANYELAX 4:37

Yam in, aux Nebukhaneza hoik tawx krax pa yaogyaw bwanson mai krax pa yungyi nab yam tix ka simiang daux raoma mai can kaing pa yuh Nawh khankix mawh ceu pa mawh meh khawmuik mai daux krax Nawh khankix kawx, mawh pa rahsee heue. Can pui ankix pa hu ka daux krax ting rhawm khankix, Nawh Cao pon yuh ti kieh tiem tom hoek ka plak greem heue.”

MAKUX 5:20

Kaw an hu ka daux meung Dekapolix mai jah ti krai grawh grawng ceu pa ting lhaong pa hoik yuh Yesux son nawh mai pui khawmuik daox deng kah heue.

LUKAX 8:39

“Ing ka nyiex maix mai krai kix mhong grawng ceu pa ting lhaong pa caux rhawm Siyiex mai yuh bwanson, son maix heue.” Kaw an lih hu mai krai grawng ceu pa ting lhaong pa hoik yuh Yesux son nawh, ka daux veng an khawmuik heue.

YOHAN 4:29

“Hoek ti jhak ka Pui tix kaux, pa hoik krai aux can ceu pa hoik yuh aux khawmuik. Khiex chix mawh Nawh Cao Khrit lie?”