MAKUX 4:40 - Wa Common Language Translation

⁴⁰ Nawh Cao baox ah nin ka kix, “Pex lhat yuh ka mawx? Pex ang nyang koe krax yum rhawm lie?”

MAKUX 4:40 Iomraidhean Croise

ISAYAX 42:3

Nawh ang raig gawng priem graig mai ang preet ka ngu pa hoik laix yeet, Nawh tak viex pa rahsee mai pa mawh meh hoek.

ISAYAX 43:2

Yam tiang maix daux rawm, Aux tak ot tau mai maix mai yam tiang rawm klawng tak ang kheem maix, yam hu maix ka daux ngu maix tak ang gleeing mai rao ngu tak ang hax yuh maix.

MATHIEX 14:31

Dom mawx dom an, Yesux nyeu taix tix giex nawh mai ah nin ka nawh, “Maix pa iak krax yum rhawm eue, maix chix ang yum rhawm yuh ka mawx lie?”

MATHIEX 16:8

Yesux tawng grawng an ah nin, “Pex pa iak krax yum rhawm khankix eue, kheu pa tix pex tix kaux lai tix kaux ah ka paox tix ka grawng ang blah koe lie?

MATHIEX 6:30

Pex pa iak krax yum rhawm eue, phan Siyiex tawx kraung ceep pa mhawm ka rib pa koe daux tiag daux singaix mai pa tak sang taing sau daux ngu pasax, Nawh sang nie lheu tawx kraung ceep ka pex ang mawh lie?

MATHIEX 8:26

Nawh Cao ah nin ka kix, “Pex pa iak krax yum rhawm eue, pex lhat graung yuh ka mawx?” Yam an Nawh kaoh mai sidiex ka bhaung khankix mai rawm nhawng deeh yiien sigrien sigre heue.

MAKUX 4:41

Kix die lhat kah mai tix kaux lai tix kaux ah nin ka paox tix, “Kaw in mawh mawx? viang bhaung mai rawm nhawng kawx nghiet lox Nawh heue.”

LUKAX 8:25

Nawh Cao chawk ah nin ka kix, “Krax yum rhawm pex koe dee mawx?” Viang mawh nan kix lhat mai daox kah, kix tom ah nin ka paox tix, tix kaux lai tix kaux, “Kaw in mawh mawx, Nawh tawx lox ka bhaung mai rawm khankix kawx, kix nghiet ka lox Nawh heue.”