MAKUX 4:24 - Wa Common Language Translation

²⁴ Nawh Cao baox ah nin ka kix, “Grawh grawng pa hoik mhong pex rien rhawm tix kah, pex tong pex tiag ti tawx ka pui tang kaux miex ding, tak sang deeh tong deeh tiag ti tawx ka pex yuh nan heue.

MAKUX 4:24 Iomraidhean Croise

LOX KAB 19:27

Kawn simex aux eue, paw lai nghiet ka lox sidiex gau pa sang kieh maix via hu khaing pingnya krax tawng yung awx.

ISAYAX 55:3

Daong yhaok maix hoek ka Aux nghiet ka lox Aux mai khwan ju maix tak im ju mai Aux tak yuh gumlox sijax mukheu leeing ju tau mai maix, pa mawh bwanson pa een Davit rhawm tix ka heue.

YERAMIX 17:21

Siyiex ah nin, ‘Yuh satix pex mai paw klawm beeh pa cien ka daux singaix twah klaung mai paw viex laig ka daux diang siviex veng Yerusaliem khankix,

MATHIEX 7:2

Pex prawng ca ka pui yuh ka mawx, tak sang prawng ca ka pex yuh nan heue. Awm diag tong pex ti tawx ka pui, pex tak deeh pon awm an heue.

MAKUX 9:7

Paiawm hoek ti kheem veei kix, lox lih khaing paiawm an ah nin, “In mawh Kawn pa moh Aux heue, nghiet ka Nawh awx.”

LUKAX 8:18

Mawh kheu nan, mhong pex yuh ka mawx rien rhawm tix kah, kheu kaw pa hoik koe, tak baox tawx ka nawh heue, kaw pa ang koe, viang pa hoik koe cie nawh kawx, tak sang teei khaing nawh heue.”

YOHAN 10:16

Aux kawn koe yung pa ang neuex daux kawg yung in, Aux tak viex kix hoek, kix tak nghiet ka lox Aux, tak sang mawh yung tix cub, cao liang yung tix kaux khaing.

YOHAN 10:27

Yung Aux nghiet lox Aux mai Aux tawng ka kix, kix hawt khaix Aux heue.

YOHAN 5:25

Aux krai lox tete ka pex, bawg yam nari tak sang hoek, hoik hoek yam in mai yam tak mhong pui pa hoik yum khankix lox Kawn Siyiex kix pa mhong tak im heue.

KAWNCAU 17:11

Pui Yudax pa ot tan lheu mhawm rhawm khaing kix pa ot ka daux veng Thesalonix, ka daux pa viex khawm rhawm tix mai rieb gumlox bwan, sawg mai tiag ti yaox ka daux phuk lai sigang khri ku ngaix, sonsang tawng grawng ceu in khankix mawh lie, ang mawh lie.

2 KAWRINTHUX 9:6

Phan mawh grawng in, kaw pa rhuat ngie ceeix ceeix khaing, tak sang yaox ti vawg ngie ceeix ceeix heue. Kaw pa rhuat tom nie, tak sang yaox ti vawg tom nie heue.

HEBRIE 2:1

Mawh kheu in, ex khaw ti nie lheu nied ti nghiet ka ceu pa hoik mhong ex khankix, phan ang mawh nan ha ex kox tang siyang hu khaing khankix heue.

1 PETRUX 2:2

Awm kawn ngie pa tak khraox keh khankix, simie ka rawm teeih gumlox bwan pa singax singeh, sonsang haok hwan pex tom pon krax taoh.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.