MAKUX 4:17 - Wa Common Language Translation

¹⁷ kix ang koe riah ka daux tokaux tix, kix kaux cong tivud khaing. Yam yaox kix krax tuktiak kheu lox bwan kix laux rhawm dom mawx dom an heue.

MAKUX 4:17 Iomraidhean Croise

YAWBAX 19:28

Phan pex ah mawh sang yuh ex krax khin ka nawh miex ding lie? num riah grawh grawng ankix hoik yaox ka daux aux,

MATHIEX 11:6

Kaux pui mawx ang laux rhawm kheu grawng aux, tak pon bwanson heue.”

MATHIEX 12:31

Mawh kheu nan Aux krai ka pex, tak pluat phimap mai pa salao ku ceu ka kawn pui, viang mawh nan pui mawx pa salao ka Khuan Cao tak ang pon pa pluat heue.

MATHIEX 13:21

Viang mawh nan, ang nawh koe riah ka daux tokaux tix, nawh kaux cong tivud khaing mai yam yaox nawh krax tuktiak kheu lox bwan nawh laux rhawm dom mawx dom an heue.

MAKUX 4:16

Grawh grawng pa rhuat simie dee haoh simaox mawh nin, yam hoik mhong kix lox bwan, kix gaux rhawm mai rieb ti teei dom mawx dom an,

MAKUX 4:18

Grawh grawng pa rhuat simie ka daux pang kat mawh nin, in mawh kix pa hoik mhong lox bwan,

LUKAX 12:10

Pui pa ah lox map ka Kawn kawn pui ku kaux, tak sang pluat sang ploi phimap nawh heue. Viang mawh nan kaw pa salao ka Khuan Singax Singeh, tak ang pluat ploi nawh heue.

YOHAN 8:31

Mawh kheu nan Yesux ah nin ka pui Yudax pa hoik yum rhawm ka Nawh khankix, “Phan pex ot ka daux gumlox Aux, pex mawh kawncau Aux tete heue.

KALATIX 6:12

Can pui pa simie ti ao min pakngai ka daux nex nham khankix khin ti kieh pex pat hak, son ang kix sang yaox ti geu krax tuktiak son khaox lhak Cao Khrit heue.

2 TIMOSE 1:15

Maix hoik tawng grawh grawng pui meung Asix khawmuik hoik tieh ti hu khaing aux, khawm kiex pa mawh Pukilux mai Heramogen heue.

2 TIMOSE 4:10

mawh kheu Dema hoik prah aux, kheu moh nawh ka haktiex in mai hoik hu ka veng Thesalonix, Krisake hoik hu ka meung Kalatix, Titux hoik hu ka meung Dalamatix heue.

2 TIMOSE 4:16

Yam tiebtie aux grawng pa deuh phimap ka aux bawg phao ka, ang ot plak aux tix kaux kawx, grham aux khawmuik, paw awt kieh hoek ka piang kix liak.

HEBRIE 10:29

Kaw pa hoik dig ka Kawn Siyiex ka greem caong nawh mai hoik een nham sijax mukheu pa hoik kieh nawh singax singeh, mawh ceu pa ang singax mai hoik nieb yuh pa ang cee ang cak ka bwanson Khuan Cao, pex ce nawh mawh pa keung ti pon krax ciyang pa nie lheu lang teung nu miex ding?

1 YOHAN 2:19

Kix hoik lih hu khaing ex, viang mawh nan kix ang dex dawd mai ex, grawh grawng nawh phan kix hoik dex dawd mai ex, kix tak kawn ot tau mai ex heue. Viang mawh nan kix hoik lih hu, sonsang sidawng grawng kix khawmuik ang dex dawd mai ex heue.

PLAK JHI 2:10

Paw vi lhat ka ceu pa dex sang yaox maix ti kham geu khankix. Jhak heue, phicaox dex teei ti sau pex tiblah ka daux thawng, sonsang cheu ti yaox pex, mai pex tak sang koe krax kha rhawm been kao ngaix heue. Kieh maix kaux sijax tom yum, mai Aux tak sang tawx mhok khri pa im ju ka maix heue.

PLAK JHI 2:13

Aux tawng dee ot maix pa mawh dee koe dang ngeung Satan mai maix ca giex tom kaux cong ka ceu kaux Aux mai ang lai thiang ti tik ka krax yum rhawm Aux, viang ka daux bawg yam singaix Antipax, pa mawh cao pa kham mhai ruk cie Aux mai pa mawh kaw pa kaux sijax cie Aux, pa hoik teei yum ka sinax pex, dee ot Satan heue.