MAKUX 3:24 - Wa Common Language Translation

²⁴ Phan meung tix meung ang khaw paox tix, gwieh paox tix, meung an ang chix kaux cong heue.

MAKUX 3:24 Iomraidhean Croise

2 SAMOELAX 20:1

Mai krax tieh krax feen khankix hoik lih ti koe tan mai ceu kaux pui pa tieh feen an, hoik mawh Shebax, pa mawh kawn simex Bikharix mai pa mawh ceu pui Binyamin tix kaux heue. Mai nawh phlu teettawng ah nin, “Ceu pui Isarelax khankix eue, Ex ang koe nyum pa sang pon tix ceu kawx khaing Davit mai ex ang koe sinngao pa sang pon tix khaing ka daux kawn simex Yessie, ” pui ku kaux tang deeh ing ka nyiex cao tix heue.

2 SAMOELAX 20:6

Mai Davit baox deeh ah nin ka Abishie, “Yam in, Shebax pa mawh kawn simex Bikharix tak yuh krax pa kha rhawm ka ex mai an tak mawh pa nie lheu khaing krax pa yuh Apsalom piang ex heue. Kok kawncau mau soi simiang maix khankix mai nied ti hawt khaix nawh, phan ang mawh nan, nawh tak yaox veng pa kaux cong khankix son tokaux cao nawh mai nawh tak pon ti luad luan klawd khaing daux tawm taix ex.”

YEZAKELAX 37:22

Aux tak kieh kix mawh pui tix ceu khaing ka daux haktiex, ka piang gawng pui Isarelax mai simiang tix kaux khaing pa kwang ka piang kix khawmuik, kix tak ang lai mawh ceu pui ra ceu mai meung haktiex ra meung tix bawg kawx heue.

ZAKHARIX 11:14

Aux hoik baox raig pot ka khaox gix cie aux tang gawng an pa kok mawh maox vien koe ra plak, sonsang yieh Aux laux krax pa mawh tix puxaik ka daux sinax ceu pui Yudax mai ceu pui Isarelax khankix heue.

MATHIEX 12:25

Kheu tawng Nawh Cao ka grawh grawng pa keud kix daux rhawm kix, Nawh ah nin ka kix, “Meung ku meung pa ang khaw paox tix, pa gwieh paox tix, tak laux leeing heue. Veng ku veng, nyiex ku nyiex, pa ang khaw paox tix, pa gwieh paox tix, ang chix kaux cong.

MAKUX 3:23

Nawh Cao kok kix hoek ka Nawh mai Nawh teei lox tiag ah nin ka kix, “Satan chix grheu Satan lih yuh ka mawx?

MAKUX 3:25

Phan nyiex tix nyiex ang khaw paox tix, gwieh paox tix, nyiex an ang chix kaux cong heue.

YOHAN 17:21

Kheu kix khawmuik tak sang mawh tix kaux, Keeing Cao eue, awm ot Maix ka daux Aux, Aux ot ka daux Maix, yuh ka mawx kix kawx tak sang ot ka daux Aux sonsang yum rhawm haktiex grawng pa hoik ploi Maix Aux hoek heue.