MAKUX 2:5 - Wa Common Language Translation

⁵ Yesux yaox krax yum rhawm kix mai Nawh ah nin ka kaw pa yum taix caong an, “Kawn eue, hoik pluat phimap maix heue.”

MAKUX 2:5 Iomraidhean Croise

YAM JAH 22:12

Nawh cao ah nin, “Maix paw teeh ka kawn maix mai paw yuh tix ceu kawx ka nawh, grawh grawng nawh, yam in Aux hoik tawng lhat maix ka Siyiex mai Aux hoik yaox ang maix thiang pa mhaing Aux kawn simex maix tix kaux son Aux heue.”

YAOGYAW 103:3

Nawh Cao hoik pluat ploi phimap maix kuceu mai hoik kieh jhawm saux maix moi khawmuik heue.

ISAYAX 38:17

Aux hoik moi khaing pa kham jhawm saux mai hoik caux rhawm ka ju aux, taoh aux khaing daux pa laux leeing, Maix Cao hoik tik phimap aux ka plak khaix aux.

ISAYAX 53:11

Nawh tak yaox bwanson kaing jhaw pa yuh Nawh mai koe krax pa fah rhawm fah rhi ka. Ka daux krax tawng yung ka siliex pa rahsee Aux, tak kieh pui tom nie koe krax pa rahsee. Nawh tak yaox ti kham son phimap kix heue.

MATHIEX 9:2

Pui tix blah grawng pui pa yum taix caong tix kaux, pa hoit it piang ku, hoek ka Nawh heue. Yam yaox Yesux krax yum rhawm kix, Nawh ah nin ka kaw pa yum taix caong an, “Kawn eue, gaux rhawm heue, hoik pluat ka phimap maix.”

MATHIEX 9:22

Yesux deeh gi mai yaox bun an ah nin, “Kawn bun Aux eue, kieh gaux rhawm heue, krax yum rhawm maix hoik kieh maix moi,” ka daux bawg yam nari an bun an moi heue.

MATHIEX 9:5

Lox pa ah, “Hoik pluat phimap maix heue.”, phan ang mawh nan, “Kaoh mai hu heue,” pa yuh ka mawx pa yie ti ah lie?

MAKUX 2:6

Pui tiiem lai tix blah ngawm tan mai kix keud daux rhawm tix yuh nin,

MAKUX 5:34

Nawh Cao ah nin ka nawh, “Kawn bun Aux eue, krax yum rhawm maix hoik kieh maix moi, hu mhawm mhawm heue. Kieh maix luan khaing jhawm saux maix heue.”

LUKAX 5:20

Yam yaox krax yum rhawm kix, Nawh Cao ah nin, “Pui eue, hoik pluat phimap maix heue.”

LUKAX 8:48

Nawh Cao ah nin ka nawh, “Kawn bun Aux eue, krax yum rhawm maix hoik kieh maix moi, hu mhawm mhawm awx.”

YOHAN 2:25

Nawh ang lo cao pa kham mhai rug grawng pui, kheu hoik tawng tokaux Nawh pa koe ka daux kawn pui heue.

YOHAN 5:14

Khaix an Yesux yaox nawh ka daux nyiex bwan ah nin ka nawh, maix hoik moi saux, khaix in paw lai baox yuh phimap, phan ang mawh nan, ha pa lheu nu kox hoek piang maix heue.”

KAWNCAU 11:23

Yam hoek nawh tan mai hoik yaox bwanson Siyiex, nawh gaux rhawm kah mai sidiex gau kix khawmuik, sonsang deuh kix rhawm tix kaux mai kawm ka Siyiex tom sied.

KAWNCAU 14:9

Kaw an mhong pa sidiex Pawlux heue. Pawlux jeung ngai tix piang kaw an mai kheu yaox grawng nawh koe krax yum rhawm sonsang kieh tix deeh mhawm,

KAWNCAU 5:31

Siyiex hoik yaog Nawh Cao deuh ka taix khawn dawm Nawh, sonsang kieh mawh Simiang mai Cao Taoh, sonsang tawx krax doh keud mai pluat ploi phimap ka pui Isarelax heue.

1 KAWRINTHUX 11:30

Mawh kheu jao in pui tom nie, tom koe krax iak riang mai krax saux nyia, mai yum kah heue.

2 KAWRINTHUX 2:10

Pex pluat ploi phimap tix ceu ceu ka pui mawx ang ah aux kawx pluat ploi kah heue. Grawh grawng nawh pie aux, pa hoik pluat ploi aux, phan aux hoik pluat ploi tix ceu ceu, hoik mawh son pex ka plak sivoe Cao Khrit.

EFESUX 2:8

Pex hoik hoek krax taoh kheu bwanson ka daux krax yum rhawm mai ang mawh kheu tokaux tix, mawh totaix pa tawx Siyiex.

KAWLAWSIE 3:13

Phan pui tix kaux kaux koe dee deuh phimap ka pui tix kaux kaux, tix kaux lai tix kaux yeung ka paox tix, pluat ploi phimap ka paox tix, awm hoik pluat ploi Cao Khrit phimap pex, pex kawx yuh awm an heue.

YAKOP 5:15

lox rawg bwan pa koe krax yum rhawm, tak sang taoh kaw pa saux an mai Simiang tak sang kieh nawh kaoh mai phan nawh hoik yuh phimap, tak sang pluat ploi phimap nawh heue.