MAKUX 2:27 - Wa Common Language Translation

²⁷ Nawh Cao baox ah nin ka kix, “Ngaix twah hoik yuh son kawn pui heue. Yuh kawn pui son ngaix twah ang mawh.

MAKUX 2:27 Iomraidhean Croise

LIH HU 23:12

“Ka daux liah singaix maix tak yuh kaing jhaw tix mai ka daux singaix aliah maix tak laux lee ti, mawie mai la maix khankix kawx tak yaox ti laux lee tix, siliex simex siliex bun maix mai nyo sinie maix, tak deeh pon riang rao khraox kah.

ISAYAX 58:13

“Phan maix ang veeh caong tix hu khaing daux singaix twah mai ang yuh krax pa nyawm rhawm tokaux tix, ka daux singaix singax Aux mai kok singaix twah mawh pa gaux rhawm mai kok singaix singax singeh Siyiex mawh pa koe krax nab krax yam mai tak koe krax nab yam ka Nawh ka daux pa ang maix yuh awm rhawm cao tix mai ang sawg ti yaox ka krax pa nyawm rhawm rhi cao tix mai ang sikah ka gumlox cao tix khankix,

YEZAKELAX 20:12

Lheu khaing an Aux hoik tawx singaix twah mawh mhai sinax Aux mai kix, sonsang tawng kix ka mawh Aux Siyiex, pa yuh kix singax heue.

YEZAKELAX 20:20

yungyi ka singaix twah Aux, kieh mawh pa singax mai an tak mawh mhai ruk sinax Aux mai pex, sonsang tawng pex mawh Aux Siyiex pex heue.

MAKUX 2:28

Mawh kheu in Kawn kawn pui mawh Simiang ngaix twah heue.”

LUKAX 6:9

Yesux ah nin ka kix, “Aux sang chawk pex, khaw mai beenli yuh tix pa mhawm ngaix twah lie, phan ang mawh nan yuh tix pa laux lie? Khaw ti taoh ju lie phan ang mawh nan khaw ti phah yum lie?”

YOHAN 7:23

Phan sang pat hak singaix twah, son ang sang yuh lox lai beenli pa tawx Mose laux, kheu cox Aux pui moi singaix twah pex song rhawm ka Aux lie?

2 KAWRINTHUX 4:15

Grawh grawng nawh ku ceu khawmuik hoik mawh son pex, son sang nie haoh nie teen bwanson, mawh kheu pui nie lheu yaogyaw bwanson, tom nie lheu kieh min pakngai Siyiex koe kah heue.

PINGNYAP 5:12

Doh keud ka singaix twah mai een mawh singaix singax singeh awm lox tawm Simiang Siyiex pex ka pex.

PINGNYAP 5:14

viang mawh nan, daux ngaix aliah, mawh ngaix twah Simiang Siyiex maix, maix tak ang pon ti yuh kaing tix ceu kawx maix, khawm kawn simex, kawn bun maix, kawncau simex kawncau bun maix, khawm tobrie maix, mawie, la, nyo sinie maix pa ot daux diang siviex veng maix khankix, kawncau simex, kawncau bun maix khankix tak laux lee ti awm maix.

KAWLAWSIE 2:16

Paw kieh pui tix kaux kawx prawng ca ka pex, grawng pa ih pa nyaux, grawng singaix pawie, grawng khix khraox, grawng singaix twah khankix,