MAKUX 2:24 - Wa Common Language Translation

²⁴ Pharishie khankix ah nin ka Nawh Cao, “Jhak heue, yuh patix kix lai yuh pa ang khaw mai beenli ngaix twah?”

MAKUX 2:24 Iomraidhean Croise

LIH HU 20:10

Daux singaix aliah, mawh singaix twah Siyiex maix, maix tak ang pon yuh kaing tix ceu kawx daux singaix an maix, kawn simex kawn bun maix, kawncau simex kawncau bun maix, khawm to brie maix, khawm nyo sinie pa ot daux siviex maix khawmuik,

LIH HU 31:15

Yuh kaing daux liah singaix, viang mawh nan, ka daux aliah singaix, mawh singaix twah klaung mai singaix laux tix mai mawh singaix pa singax son Siyiex. Pui pa yuh kaing ka daux singaix twah an, tak kieh nawh yum.

ISAYAX 56:2

Bwanson koe ka pui yuh nin, ka kawn pui pa priex rien khaing krax pa koe lox salao ka singaix twah mai pa chix priex rien taix khaing krax yuh ceu pa caox khankix heue.

ISAYAX 56:4

Grawh grawng nawh, Siyiex ah nin, “Pui sieh pa priex rien ka singaix twah Aux khankix mai pa laug ti teei ceu pa kha rhawm Aux mai pa jhawp ti priex gumlox sijax mukheu Aux kaux cong,

ISAYAX 56:6

Pui tang ceu pa hoik rom tix tau mai Siyiex sonsang yuh kaing jhaw Nawh mai sonsang moh ka ceu kaux pa priex rien khaing krax pa koe lox salao ka singaix twah mai pa jhawp ti priex gumlox sijax mukheu Aux kaux cong,

ISAYAX 58:13

“Phan maix ang veeh caong tix hu khaing daux singaix twah mai ang yuh krax pa nyawm rhawm tokaux tix, ka daux singaix singax Aux mai kok singaix twah mawh pa gaux rhawm mai kok singaix singax singeh Siyiex mawh pa koe krax nab krax yam mai tak koe krax nab yam ka Nawh ka daux pa ang maix yuh awm rhawm cao tix mai ang sawg ti yaox ka krax pa nyawm rhawm rhi cao tix mai ang sikah ka gumlox cao tix khankix,

MATHIEX 12:2

Yam yaox Pharishie khankix ka an, kix ah nin ka Nawh Cao, jhak heue, “Kawncau Maix lai yuh pa ang khaw mai beenli singaix twah.”

MAKUX 2:16

Pui tiiem lai mai Pharishie khankix yaox yam sawm Nawh tau mai pui pa koh mau mai pui koe phimap khankix, kix ah nin ka kawncau Nawh khankix, “Nawh lai sawm tau mai pui koh mau mai pui koe phimap khankix yuh ka mawx?”

MAKUX 2:25

Nawh Cao baox pawk lox mai ah nin ka kix “Ang pex sax phat grawh grawng pa yuh Davit yam lo nawh, pui ot tau mai nawh kied cai rhawm lie?

MAKUX 2:7

“Kheu Pui in ah lox yuh nin, Nawh salao ka Siyiex heue. Lheu khaing Siyiex tix kaux khaing, pui mawx chix ploi phimap?”

HEBRIE 12:3

Mawh kheu nan son ang pex sang laux sang khrup rhawm, keud ka grawh grawng Kaw pa hoik kham geu ceu pa kieh pa raw khaing daux tawm taix pui phimap ka tokaux Nawh awx.