MAKUX 2:22 - Wa Common Language Translation

²² Pui tix kaux kawx ang sax teei rawm plix siiet pa khraox sau ka daux hau hak pa prim, phan yuh nan kienie, rawm plix siiet pa khraox tak kieh hau hak an bih mai khawm rawm plix siiet mai khawm hau hak tak laux tak nai kah heue. Viang mawh nan kix sau rawm plix siiet pa khraox ka daux hau hak pa khraox heue.”

MAKUX 2:22 Iomraidhean Croise

YAWBAX 32:19

Jhak heue, vaig aux awm rawm plix siiet ang koe daux sang lih, mai an awm hau hak rawm plix siiet pa khraox pa dex sang bih heue.

YAOGYAW 119:80

Kieh rhawm aux grum naog ka lox tawm beenli Maix, kieh aux luan khaing krax pa kaig tua liak.

YAOGYAW 119:83

Aux hoik awm singiien rawm pa krat singao, viang mawh nan, aux ang doh pi awm ka lox tawm beenli Maix heue.

MATHIEX 9:17

Pui ang sax teei rawm plix siiet pa khraox sau ka daux hau hak pa prim, phan yuh nan kienie, hau hak tak bih mai rawm plix siiet tak hieh mai hau hak tak laux heue. Phan sau rawm plix siiet pa khraox ka daux hau hak pa khraox mai khawm ra ceu ang laux leeing heue.”

MAKUX 2:21

Pui tix kaux kawx ang sax teei man pa khraox blaox kraung ceep pa prim, phan yuh nan kienie, man pa khraox pa hoik blaox daux griah tak kieh pa prim laux mai daux griah tak nie vieh khaing phao ka heue.

MAKUX 2:23

Ka daux ngaix twah tix ngaix yam hu preeng Nawh Cao daux ma nghox ca, kawncau Nawh khankix caik ti teei sigleem nghox ca heue.

YAWSUX 9:13

Si ngiien hak rawm plix siiet inkix, pa hoik sau yix ti viex rawm kawx hoik mawh pa khraox yam an nhaox heue. Jhak heue, si ngiien hak inkix hoik griah mai kraung ceep yix khankix, khawm kiep ceep yix khankix kawx hoik prim kheu jao kied singai krax hoek yix heue.”

YAWSUX 9:4

Kix yuh ti awm pa koe cuyi mai yuh ti awm grang cao cau khankix heue. Kix teei chee pa prim khankix mai si ngiien hak rawm plix siiet pa hoik griah mai pa hoik deeh cox caing tix khankix mai tang ka piang la heue.