MAKUX 16:6 - Wa Common Language Translation

⁶ Nawh ah nin ka kix, “Paw yaoh paw lhat awx. Pex sawg Yesux pui veng Nazariet pa hoik tawk piang khaox lhak. Nawh Cao hoik kaoh. Nawh ang ot tin, jhak ka dee hoik een kix Nawh Cao heue.

MAKUX 16:6 Iomraidhean Croise

YAOGYAW 71:20

Maix hoik jhi aux yaox krax pa khi rhawm mai ceu pa nu pa khawm tom nie mai deeh kieh aux nyawm rhawm mai kieh aux deeh kaoh khaing haktiex pa raux heue.

LOX KAB 8:17

Aux moh ka pui pa moh ka aux khankix, pui pa coca ti sawg ka aux khankix tak yaox ka aux heue.

MATHIEX 12:40

Mawh kheu awm hoik ot Yonax ka daux vaig kax ting loe singaix loe sawm, Kawn kawn pui kawx, tak ot ka daux tiex loe singaix loe sawm heue.

MAKUX 1:24

“Yesux Pui veng Nazariet eue, ex koe pa yuh mai Maix ceu patix. Maix hoek ti yuh ex laux lie? Kaw pa Singax Singeh Siyiex eue, aux hoik tawng mawh Maix pui mawx.”

MAKUX 1:27

Pui khawmuik khawm leeing daox deng kah, kix tom chawk paox tix, tix kaux lai tix kaux ah nin, “Lox sidiex gau pa khraox pa koe sibrawm In mawh patix? Nawh tawx lox ka phi pa seeing kawx, kix nghiet lox Nawh heue.”

MAKUX 10:34

mai kix tak sang yuh pa ang cee ang cak ka Nawh mai baig rawm myia piang Nawh mai sivied Nawh mai teei Nawh yum heue. Khaix an loe ngaix Nawh tak deeh kaoh im heue.”

MAKUX 14:33

Nawh Cao teei Petrux mai Yakop mai Yohan, hu tau mai Nawh mai Nawh Cao kied daox deng mai sung sang rhawm heue.

MAKUX 9:15

Dom mawx dom an yam yaox cub pui hun khawmuik ka Nawh Cao, kix kied daox deng kah mai to hu ka Nawh Cao mai ah lox nawb ka Nawh heue.

LUKAX 24:46

Nawh Cao baox ah nin ka kix, “Hoik tiiem ti deuh, grawng Cao Khrit tak kham geu mai deeh kaoh im khaing krax yum daux loe singaix.

KAWNCAU 2:24

Viang mawh nan Siyiex hoik deeh kieh Nawh kaoh im, khaix hoik yah ceu pa saux krax yum, mawh kheu krax yum ang lai chix pon giex pong gang Nawh heue.

KAWNCAU 4:10

Kieh pex khawmuik mai pui Isarelax khawmuik een ti tawng, grawng mawh ka daux ceu kaux Yesux Khrit Pui veng Nazariet, Kaw pa hoik tawk pex piang khaox lhak, pa Siyiex hoik deeh kieh kaoh im khaing krax yum, mawh ka daux ceu kaux Nawh, kaw in tom moi mai cung sivoe pex heue.