MAKUX 16:19 - Wa Common Language Translation

¹⁹ Khaix hoik krai Simiang Yesux ceu in ka kix, rieb ti teei Nawh haok ka daux meung raoma mai kieh ngawm plak taix khawn dawm Siyiex heue.

MAKUX 16:19 Iomraidhean Croise

YAOGYAW 110:1

Simiang ah nin ka Simiang aux, “Ngawm plak taix khawn dawm Aux, tom Aux kieh pui pa koeng ka maix mawh ngot dee deuh maix caong tix heue.”

MAKUX 16:20

Kix lih hu mai sidiex gau kudah dee. Siyiex yuh kaing tau mai kix, kieh lox bwan kaux cong, kheu mhai pa lih mawh daux kix khankix heue.

LUKAX 22:69

Viang mawh nan jah tom yam in, Kawn kawn pui tak sang ngawm, plak taix khawn dawm, sibrawm Siyiex heue.”

LUKAX 9:51

Yam an dex sang hoek bawg yam singaix, pa sang rieb ti teei Nawh haok ka piang dee long, Nawh Cao jawg veeh pakngai tix, sonsang hu ka veng Yerusaliem.

YOHAN 13:1

Ka sang yuh pawie Pasakha Yesux tawng nari bawg yam tak sang lih hu Nawh khaing haktiex hu ka Keeing Cao hoik hoek. Mawh kheu moh Nawh cie Nawh pa ot piang haktiex in, Nawh moh tom sidah heue.

YOHAN 16:28

Aux lih hoek khaing Keeing Cao hoik hoek piang haktiex in Aux sang baox deeh lih khaing haktiex hu ka Keeing Cao heue.”

YOHAN 17:13

Yam in Aux tak sang hoek ka Maix Aux krai ceu in khankix piang haktiex, sonsang koe kix pa gaux rhawm Aux tom naog ka daux kix heue.

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

YOHAN 21:15

Khaix hoik ih kix priex ngawb Yesux chawk ka Simon Petrux ah nin, “Simon kawn Yonax eue maix lheu moh ka Aux khaing inkix lie?” Nawh ah nin ka Nawh Cao, “Mawh heue, Simiang eue, Maix hoik tawng grawng pa moh aux ka Maix.” Nawh Cao baox ah nin ka nawh,” tawx kawn yung Aux khankix sawm heue.”

YOHAN 21:22

Yesux baox ah nin ka nawh, “Phan Aux sang kieh nawh ot tom deeh hoek Aux sax, sang dex dawd mai maix yuh ka mawx? Maix kienie hawt khaix Aux heue.”

YOHAN 6:62

Phan pex yaox Kawn kawn pui deeh haok hu dee hoik ot Nawh phao ka, pex sang ce yuh ka mawx?

KAWNCAU 1:22

jah ka yam cubcom Nawh mai Yohan,tom sidah hoek singaix, yam rieb ti teei Nawh haok khaing ex.Ka daux kix tix kaux tak lai mawh, pui kham mhai rug tau mai ex, grawng pa kaoh Nawh Cao khaing krax yum heue.”

KAWNCAU 2:33

Mawh kheu hoik yaog Nawh mai kheu ot Nawh plak taix khawn dawm Siyiex mai kheu hoik pon awm lox mukheu pa hoik tawx Keeing Cao grawng Khuan Singax Singeh, pa hoik kieh Nawh ceu in lih, pa yaox pa mhong pex kah heue.

KAWNCAU 3:21

Kaw pa raoma tak sang rieb ti priex, tom hoek bawg yam pa hoik cox kuceu khawmuik, pa Siyiex hoik krai ka jheeh cao jhai pa singax khankix, jah tom di dix heue.

ROMAX 8:34

Mawh mawx pa sang prawng ca ti deuh phimap? Mawh Cao Khrit pa hoik yum, mawh heue, nie lheu mawh pa hoik deeh kaoh im khaing krax yum mai pa ot plak taix khawn dawm Siyiex mai pa khyox khaw son ex heue.

KAWLAWSIE 3:1

Phan hoik yaog pex kaoh tau mai Cao Khrit, nied ti sawg ceu pa koe dee long, dee ngawm Cao Khrit ka plak taix khawn dawm Siyiex heue.

1 TIMOSE 3:16

Ceu pa chix nab chix yam mai pa yuh pa khaw ka Siyiex, mawh pa kied ting raux mai ang koe dee ne dee ah ka grawng an heue. Nawh Cao hoik lih bleeh ka daux nex. Khuan Cao hoik kham mhai ruk kah, pa hoik yaox kawncau Siyiex khankix kah, pa hoik sidiex grawng Nawh ka pui tang ceu, pa hoik yum rhawm pui haktiex kah, pa hoik teei haok ka daux min pakngai heue.

HEBRIE 1:3

Nawh mawh pa deeh jhan ghaix ka min pakngai Siyiex mai mawh riang grang tokaux Nawh Cao mai pa joh jhan ka ku ceu khawmuik ka gumlox sibrawm Nawh. Khaix hoik yuh Nawh ti kieh singax khaing phimap, Nawh ngawm ka plak taix khawn dawm min pakngai Siyiex ka dee lhaong heue.

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

HEBRIE 4:14

Kheu ex koe cao giex kaing li pa ting pa hoik laig ka daux meung raoma, pa mawh Yesux kawn Siyiex, kieh ex giex tom kaux ka ceu pa hoik rieb ex ti teei heue.

HEBRIE 6:20

Ka dee hoik grux laig Yesux ti mawh cao pa hu sivoe ka son ex, kheu hoik lih mawh Nawh cao giex kaing li pa ting, leeing ju, awm pa khaw mai ara Melakhizediek heue.”

HEBRIE 7:26

Grawh grawng nawh ex lo ka cao giex kaing li pa ting pa awm an, pa singax, pa ang koe dee phit dee lud, pa ang koe dee seeing brai, pa hoik tang tiah khaing pui phimap khankix mai pa hoik yuh ti kieh lhaong khaing raoma khankix,

HEBRIE 8:1

Ka daux grawng ceu pa krai ex khankix, pa mawh lox kaing ting mawh in. Ex hoik koe cao giex kaing li pa ting pa awm an, pa hoik ngawm ka plak khawn dawm dang ngeung min pakngai Siyiex ka daux meung raoma,

HEBRIE 9:24

Grawh grawng nawh Cao Khrit ang lai laig ka daux Dee Kied Singax Singeh, pa yuh ka taix, pa mawh riang grang Dee Kied Singax pa mawh meh an, viang mawh nan pon hoik laig ka daux raoma tete, sonsang plak jhi tokaux Nawh ka sivoe pakngai Siyiex ka son ex yam in heue.

1 PETRUX 3:22

Kaw pa hoik hu ka daux meung raoma mai ngawm ka plak taix khawn dawm Siyiex heue. Kawncau Siyiex khankix mai pa giex kaing khankix mai sibrawm khankix hoik kieh ot ka greem Nawh Cao heue.