MAKUX 16:18 - Wa Common Language Translation

¹⁸ Kix tak sang pon teei ti yaog siuing mai phan kix nyaux pa awp tix ceu ceu, ang chix kieh kix saux tidtix. Kix tak sang deuh taix tix piang pui saux pui ngia mai kix tak moi heue.”

MAKUX 16:18 Iomraidhean Croise

YAM JAH 3:15

Aux tak kieh pa koeng koe sinax maix mai pui sibun, doeh ru maix mai doeh ru sibun, nawh tak dig kaing maix khlaix mai maix tak mat yuh loek caong nawh heue.”

YAOGYAW 91:13

Maix tak sang dig ka sivai sangsi mai siuing pa cai mai yaog caong maix mai dig ka sivai sangsi pa awn ju mai siyawng heue.

MAKUX 5:23

mai khyox khaw ka Nawh Cao ah nin, “Kawn nyawm bun iak aux, dex sang yum, hoek sonsang deuh Maix taix tix piang nawh liak, yuh ka mawx sonsang deeh moi nawh mai im heue.”

LUKAX 10:19

Jhak heue, Aux hoik tawx sibrawm ka pex, sonsang pon dig pex piang siuing mai tamtim khankix mai ka piang sibrawm pui pa koeng ka pex mai tix ceu kawx ang tau ti pon kieh pex saux heue.

KAWNCAU 19:12

Tom viex kix man kawt, phan ang mawh nan man klieb khaing tokaux nawh, ka pui pa saux ngia mai jhawm saux kix grai mai phi caox khankix kawx lih hu heue.

KAWNCAU 3:12

Yam yaox Petrux pa yuh nan, nawh deeh ah nin ka kix, “Pex pa mawh pui Isarelax eue, pex lai daox deng ka pui in yuh ka mawx? Yuh pa tix? pex lai jawg ti jeung ngai pex ka yiex, awm pa hoik mawh sibrawm mai pa rahsee yiex, pa hoik kieh nawh deeh chix hu ka caong tix,

KAWNCAU 3:16

Mawh kheu krax yum rhawm ka daux ceu kaux Nawh Cao, ceu kaux Nawh hoik kieh pui in koe riang rao, pa yaox mai pa tawng pex heue. Mawh heue, krax yum rhawm ka Nawh Cao, hoik tawx pa grum mhawm ka nawh, sivoe ngai pex khawmuik heue.

KAWNCAU 4:10

Kieh pex khawmuik mai pui Isarelax khawmuik een ti tawng, grawng mawh ka daux ceu kaux Yesux Khrit Pui veng Nazariet, Kaw pa hoik tawk pex piang khaox lhak, pa Siyiex hoik deeh kieh kaoh im khaing krax yum, mawh ka daux ceu kaux Nawh, kaw in tom moi mai cung sivoe pex heue.

KAWNCAU 4:22

Mawh kheu pui pa kiex hoik yuh mhai pa daox deng, ceu pa kieh moi an ka, hoik koe tixpon num haoh heue.

KAWNCAU 4:30

Yam nyeu Maix taix tix, ti cox moi heue. Yuh ka mawx sonsang pon yuh mhai mai ceu pa daox deng, ka daux ceu kaux pa singax singeh Kawn Maix Yesux heue.”

KAWNCAU 9:34

Petrux ah nin ka nawh, “Enex eue, Yesux Khrit kieh maix moi, kaoh mai cox dee it maix heue.” nawh kaoh dom mawx dom an heue.

ROMAX 16:20

Khaix in ang lai rheung, Siyiex pa tawx krax nhim tak sang teei Satan tix kieh nawh khlaix vid greem caong pex heue. Kieh bwanson Simiang ex Yesux Khrit ot tau mai pex liak.

1 KAWRINTHUX 12:9

Ka tang kaux tix kaux tawx krax yum rhawm ka daux Khuan Cao an tix mu khaing mai ka tang kaux tix kaux tawx totaix ti sang chix kieh jhawm saux moi, ka daux Khuan Cao an tix mu khaing,