MAKUX 16:17 - Wa Common Language Translation

¹⁷ Mhai rug ceu in khankix tak mawh ka kix pa yum rhawm. Kix tak sang grheu phicaox lih ka daux ceu kaux Aux mai kix tak sang sikah daux lox pui ceu pa khraox.

MAKUX 16:17 Iomraidhean Croise

MAKUX 9:38

Yohan ah nin ka Nawh Cao, “Sara Cao gau eue, ex yaox pui tix kaux pa grheu phicaox lih ka daux ceu kaux Maix, ex kieh ka nawh kheu ang nawh hawt mai ex heue.”

LUKAX 10:17

Kawncau atixgliah kaux deeh hoek gaux rhawm ah nin, “Simiang eue, phicaox phicaig khankix kawx, ot greem ex nghiet lox ex ka daux ceu kaux Maix heue.”

YOHAN 14:12

Aux krai lox tete ka pex, kaw pa yum rhawm ka Aux tak sang yuh kaing pa yuh Aux nawh tak sang yuh kaing pa nie lheu ting khaing inkix, kheu sang hu Aux ka Keeing Cao heue.

KAWNCAU 10:46

Kheu kix mhong kix sikah ka lox pui tang ceu khankix mai yaogyaw Siyiex heue. Yam an Petrux baox ah nin,

KAWNCAU 16:18

Nawh yuh nan tom nie singaix mai kheu lulax rhawm Pawlux kah, nawh tom veeh ti ah nin ka phi an, “Aux nhie maix daux ceu kaux Yesux Khrit lih hu khaing daux nawh heue.” Phi an lih hu dom mawx dom an heue.

KAWNCAU 19:6

Yam hoik deuh Pawlux taix tix ka piang kix, Khuan Singax Singeh lih hoek piang kix mai kix sikah ka lox pa tang pa siyox khankix mai krai lox jhai heue.

KAWNCAU 2:33

Mawh kheu hoik yaog Nawh mai kheu ot Nawh plak taix khawn dawm Siyiex mai kheu hoik pon awm lox mukheu pa hoik tawx Keeing Cao grawng Khuan Singax Singeh, pa hoik kieh Nawh ceu in lih, pa yaox pa mhong pex kah heue.

KAWNCAU 5:16

Pui haoh hun pa ot daux veng khankix pa koe sivie siveng veng Yerusaliem khrawm paox tix viex pui pa koe jhawm saux mai pui pa laig phi pa seeing pa tuktiak khankix mai kiex cox kix ku kaux daux pui khawmuik moi heue.

KAWNCAU 8:7

Grawh grawng nawh pui pa laig phi pa seeing tom nie, kok yo lox sinum mai lih hu heue. Pui pa yum tix plak ton nie mai pa laux caong khankix deeh moi heue.

1 KAWRINTHUX 12:10

ka tang kaux tix kaux tawx pa chix yuh kaing sibrawm mai ka tang kaux tix kaux tawx pa chix krai lox jhai, ka tang kaux tix kaux tawx pa chix cheu ti tawng ka khuan khankix, ka tang kaux tix kaux tawx ceu pa chix tawng lox ceu pa tang pa siyox khankix tom nie ceu mai ka tang kaux tix kaux tawx ceu pa chix teei lih dee bleeh lox ceu pa tang pa siyox khankix heue.

1 KAWRINTHUX 12:28

Siyiex hoik ciak ti deuh ka daux ceucao, phao ka tix ceu, ka kawncau pa ting khankix mai ra ceu tix ceu, cao jhai khankix mai loe ceu tix ceu, sara cao gau khankix, khaix an, kaing sibrawm khankix, khaix an, totaix pa kieh jhawm saux moi khankix mai pa teem khankix mai pa bung pa giex kaing khankix mai pa chix tawng ka lox ceu pa tang pa siyox khankix tom nie ceu heue.

1 KAWRINTHUX 12:30

Koe totaix pa chix kieh jhawm saux moi khawmuik lie? Chix sikah ka lox ceu pa tang pa siyox khankix khawmuik lie? Chix teei dee bleeh lox lih khawmuik lie?

1 KAWRINTHUX 13:1

Viang aux chix sikah ka lox pui khankix mai ka lox kawncau Siyiex khankix kawx, phan ang koe krax moh krax rhawm, aux hoik lih mawh awm lox brax tawng, phan ang mawh nan awm lox luah chiang heue.

1 KAWRINTHUX 14:2

Grawh grawng nawh kaw pa sikah ka lox ceu pa ang pui tawng, ang lai sikah ka kawn pui, viang mawh nan sikah ka Siyiex, mawh kheu ang pui tix kaux kawx chix nghiet kah heue. Nawh ah ceu pa raux pa mox ka daux khuan heue.