MAKUX 16:16 - Wa Common Language Translation

¹⁶ Pui pa yum rhawm mai cubcom, tak hoek krax taoh heue, pui pa ang yum rhawm tak hoek krax prawng ciyang heue.

MAKUX 16:16 Iomraidhean Croise

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

MAKUX 1:15

Ah nin, “Bawg yam hoik naog mai meung Siyiex dex sang hoek, doh keud ka phimap mai yum rhawm ka lox bwan gaux rhawm heue.”

LUKAX 8:12

Kix pa cod dex krax, mawh kix pa hoik mhong mai khaix an phicaox hoek mai teei lox bwan khaing daux rhawm kix, yuh ka mawx son ang kix sang yum rhawm mai son ang hoek krax taoh heue.

YOHAN 20:31

Viang mawh nan hoik tiiem ceu inkix, sonsang yum rhawm pex grawng mawh Yesux Cao Khrit, pa mawh Kawn Siyiex kheu yum rhawm pex, pex tak sang pon ju pa im ka daux ceu kaux Nawh Cao heue.

YOHAN 3:36

Kaw pa yum rhawm ka Kawn Cao koe ju leeing ju, kaw pa ang yum rhawm ka Kawn Cao ang lai pon ti yaox ju, viang mawh nan pa song rhawm Siyiex koe piang nawh heue.”

YOHAN 3:5

Yesux baox deeh pawk lox ah nin, “Aux krai lox tete ka maix, phan pui ang keh daux rawm mai Khuan, nawh ang pon ti laig ka daux Meung Siyiex.

YOHAN 5:24

Aux krai lox tete ka pex, kaw pa mhong lox Aux pa yum rhawm ka Kaw pa ploi Aux hoek, hoik koe ju leeing ju ang hoek krax ciyang, hoik luan khaing krax yum laig ka daux ju pa im heue.

YOHAN 6:29

Yesux baox pawk lox ah nin ka kix, “Kaing Siyiex mawh pa yum rhawm pex ka Kaw pa ploi Nawh hoek heue.”

YOHAN 6:35

Yesux baox ah nin ka kix, “Aux mawh blah pa im ju heue, kaw pa hoek ka Aux tak ang lai cai rhawm kaw pa yum rhawm ka Aux tak ang lai sang nyaux nie rawm tix bawg kawx heue.

YOHAN 6:40

Grawh grawng nawh in mawh alo Keeing Aux, sonsang pon pui pa yaox ka Kawn Cao pa yum rhawrn ka Nawh ku kaux, ju leeing ju. Aux sang kieh kix deeh kaoh singaix sidah khaix heue.”

YOHAN 8:24

Mawh kheu nan Aux tom hoik krai ka pex, Pex tak yum ka daux phimap tix, grawh grawng nawh phan pex ang yum rhawm grawng mawh Aux Kaw an, pex tak sang yum ka daux phimap tix heue.”

KAWNCAU 10:43

Cao jhai khawmuik kham mhai rug grawng pui pa yum rhawm ka daux ceu kaux Nawh ku kaux daux pui, tak sang hoek krax pa luan khaing phimap heue.”

KAWNCAU 13:39

Pa yum rhawm ka Nawh ku kaux daux pui, pon hoek krax rahsee khaing kuceu khawmuik, pex ang tau pon rahsee kheu lox lai beenli Mose heue.

KAWNCAU 13:46

Pawlux mai Banabax viex rhawm kwa sidiex gau ah nin, “Tak lai sidiex gau gumlox bwan Siyiex in ka pex phao ka heue. Viang mawh nan kheu nyhot pex ti tik khaing, pex prawng ca tokaux tix, mawh pa ang keung pon ju leeing ju. Yiex tom veeh ka pui tang ceu khankix heue.

KAWNCAU 2:38

Petrux deeh ah nin ka kix, “Doh keud ka phimap pex mai cubcom pex ku kaux ka daux ceu kaux Yesux Khrit, sonsang pon luan khaing daux phimap pex mai pex tak sang pon totaix Khuan Singax Singeh heue.

KAWNCAU 2:41

Kix pa rieb ti teei gumlox nawh, cubcom daux rawm mai ka daux ngaix an pui pa baox tiien kix dex koe loe rheng heue.

KAWNCAU 22:16

Yam in maix kawn gla yuh ka mawx? Kaoh, kok ka ceu kaux Nawh mai cubcom ka daux rawm mai sigrhah phimap maix luan heue.

ROMAX 3:6

Ang doh mawh nan. Grawh grawng nawh, phan mawh nan Siyiex tak chix prawng ca pui haktiex yuh ka mawx?

ROMAX 4:24

mawh khawm son ex, pa tak sang sawn mawh awm nang nan, ka ex pa yum rhawm ka Kaw pa kieh Simiang ex Yesux deeh kaoh im khaing krax yum heue.

2 THESALONIX 1:8

mai pawk bix ka kix pa ang tawng ka Simiang Siyiex, ka kix pa ang cu nghiet ka lox bwan gaux rhawm Simiang ex Yesux Khrit.

2 THESALONIX 2:12

Sonsang pon ti prawng ca ka kix ku kaux khawmuik pa ang yum rhawm ka pa mawh pa meh, pa hoik gaux rhawm ka daux pa ang rahsee heue.

1 PETRUX 1:21

pa mawh pui pa hoik yum rhawm ka Siyiex ka daux Nawh, pa hoik kieh Nawh deeh kaoh im khaing krax yum mai tawx min pakngai ka Nawh, son krax pa yum rhawm mai krax keud pot jun pot pex, tak mawh ka daux Siyiex heue.

1 PETRUX 3:21

Awm lox tiag an, daux bawg yam in pex pon hoek krax taoh, kheu krax cubcom rawm, ang mawh ka ceu pa sigrhax pa seeing tokaux tix, viang mawh nan mawh ceu pa mie ti cie rhawm deeh chix keud tawng pa ang koe dee deuh phimap plak Siyiex, ka daux krax deeh kaoh im Yesux Khrit,

PLAK JHI 20:15

Phan yaox pui tix kaux kaux pa ang lai tiiem ti deuh ka daux phuk lai pa im ju an, teei ti taing nawh sau daux nhawng ngu an heue.

PLAK JHI 21:8

Viang mawh nan ka son pa lhat pa graung mai pa ang yum rhawm mai pa greeing mai pa mawh pa pah pui yum mai pa mawh pa lud vao mai pa mawh pa yuh simeed yuh sat mai pa mawh pa krub riang grang khankix mai can pa mawh pie lhen khawmuik, nyum cie kix tak mawh ka daux nhawng pa gleeing ka ngu mai mhat, pa mawh krax yum ra bawg tix bawg heue.”