MAKUX 16:15 - Wa Common Language Translation

¹⁵ Nawh Cao ah nin ka kix, “Pex hu piang haktiex khawmuik mai sidiex gau lox bwan gaux rhawm in, ka can pui pa hoik phan hoik yuh khawmuik heue.

MAKUX 16:15 Iomraidhean Croise

YAOGYAW 22:27

Dee sidah haktiex khawmuik, tak sang doh keud mai deeh tieh tix hoek ka Siyiex, pui kuceu khawmuik, tak sang krub plak sivoe ngai Maix heue.

YAOGYAW 96:3

Plak jhi min pakngai Nawh Cao, ka pui tang ceu khankix mai grawng ceu pa daox am, pa hoik yuh Nawh khankix ka daux ceu pui kuceu heue.

YAOGYAW 98:3

Nawh Cao doh keud ka krax pa caux rhawm mai sijax mukheu pa hoik yuh Nawh mai ceu pui Isarelax mai bwanson krax pa taoh Siyiex, hoik yaox pui piang haktiex tom sidah heue.

ISAYAX 45:22

“Pex pa ot ku sidah haktiex eue, deeh hoek ka Aux pex tak pon krax taoh, mawh kheu Aux mawh Siyiex mai ang lai koe siyiex tang kaux.

ISAYAX 49:6

Nawh Cao ah nin, “Awm pa mawh maix siliex Aux, sonsang yaog ka doeh ru Yakop mai sonsang kieh pui Isarelax, pa deuk deeh mhawm krax ot, jhak ti yaox ka an awm pa mawh pa iak ngie, Aux kieh maix mawh pa riang ka pui piang haktiex, sonsang tah hu krax taoh tom sidah sidu haktiex.”

ISAYAX 52:10

Siyiex hoik jhi plawng taix pa singax singeh Nawh, ka plak sivoe ngai ceu pui khawmuik mai pui deeh sidah haktiex khawmuik tak yaox ka bwanson krax taoh Siyiex ex heue.

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

MAKUX 13:10

Tak sang sidiex gau lox bwan gaux rhawm ka ceu pui khawmuik phao ka.

YOHAN 15:16

Pex laug ti teei Aux ang mawh, viang mawh nan Aux hoik laug ti teei pex hoik ciak ti deuh pex, yuh ka mawx sonsang hu plix pex plix sonsang kaux cong plix pex heue. Kheu pex sang rawg ceu patix ang ah, ka Keeing Cao ka daux ceu kaux Aux, Nawh sang tawx ka pex.

YOHAN 20:21

Yam an Yesux baox deeh ah nin ka kix, “Kieh pa nhim koe mai pex heue. Awm hoik ploi Keeing Cao Aux hoek, Aux kawx ploi pex hu yuh nan heue.”

KAWNCAU 1:2

Tom sidah hoek singaix pa rieb ti teei Nawh Cao haok, khaix hoik tawm Nawh lox ka daux Khuan Singax, ka kawncau pa ting Nawh khankix, pa hoik laug Nawh ti teei heue.

KAWNCAU 1:8

Viang mawh nan pex tak sang pon sibrawm, yam hoik hoek Khuan Singax Singeh piang pex mai pex tak sang mawh pui pa kham mhai rug son Aux, jah ka veng Yerusaliem khawm meung Yudax khawmuik mai meung Samarix mai hoek tom dee sidah haktiex heue.”

ROMAX 10:18

Viang mawh nan aux ah nin, ang kix yaox ti mhong lie? Hoik mhong tete heue. “Lox kix hoik tah hu piang haktiex khawmuik mai gumlox kix hoik hu ka dee sidah haktiex heue.”

ROMAX 16:26

viang mawh nan pa hoik plak jhi sidawng yam in, kheu phuk lai sigang khri cao jhai khankix, awm pa khaw mai lox tawm jhawm krai Siyiex leeing ju, pa hoik kieh tawng ka ceu pui khawmuik, sonsang koe krax cu nghiet pa dex mai krax yum rhawm,

EFESUX 2:17

Nawh Cao viex ti sidiex lox bwan gaux rhawm pa nhim, ka pex pa ot dee singai, mai ka ex pa ot dee dex heue.

KAWLAWSIE 1:23

Phan pex ca kawn ot ka daux krax yum rhawm mai kaux cong kah mai ang gah hu khaing krax keud pot jun pot lox bwan gaux rhawm pa hoik mhong pex, pa hoik sidiex ka can pa hoik phan hoik deuh khawmuik ka greem raoma, pa hoik kieh aux Pawlux mawh kawncau pa diex pa gau kah heue.

KAWLAWSIE 1:6

pa hoik hoek ka pex, awm hoik hoek ka daux haktiex khawmuik, pex tak plix plix mai haok huan, awm hoik mawh khawm ka daux pex, singaix tom yam jah pex ti mhong mai tawng bwanson Siyiex ka daux pa mawh meh,

1 YOHAN 4:14

Ex hoik yaox mhai pa kham mhai rug grawh grawng hoik ploi Keeing Cao ka Kawn Cao, sonsang mawh Cao Taoh haktiex heue.

PLAK JHI 14:6

Aux yaox kawncau Siyiex tang kaux tix kaux, pa pu ka sigreung raoma mai pa koe lox bwan gaux rhawm leeing ju, sonsang sidiex gau ka kix pa ot ka piang haktiex mai ka pui meung ku meung mai ka ceu pui kuceu mai ka pui pa tang lox sikah kuceu mai ka pui kuceu heue.