MAKUX 16:1 - Wa Common Language Translation

¹ Yam hoik luan ngaix twah, Marix Magadalax mai Marix miex Yakop mai Salom liag sidah bhawng, sonsang kraix ka Nawh Cao.

MAKUX 16:1 Iomraidhean Croise

YAM JAH 50:2

Yosiep tawx lox ka kawncau tix khankix, pa mawh cao chix sidah mai kieh kix khre keeing nawh ka sidah bhawng heue. Mawh kheu nan cao chix sidah khankix, cox khre Isarelax ka sidah bhawng heue.

2 GRAWNG BEEN 16:14

Kix sipaung nawh ka daux simeeig, pa yuh nawh ti deuh ka son tokaux cao tix ka daux veng Davit; mai kix deuh nawh piang ku, pa hoik naog tau mai ceu pa sioe bhawng mai khawm sidah bhawng pa hoik kru krao tix kuceu ka pa hoik khre tix awm bee sidah kraix, kix yuh pawie gleeing ngu pa kied ting son nawh heue.

MAKUX 14:3

Yam ot Nawh Cao ka daux yaong Betanix, daux nyiex Simon pui sipawg, yam ngawm Nawh ti sawm, bun tix kaux hoek ka Nawh Cao pa koe sidah bhawng Nadu pa kied ngawh, daux kawng simaox paing mai nawh pah kawng an max mai groi sidah an piang kaing Nawh Cao heue.

MAKUX 14:8

Nawh hoik yuh pa chix yuh tix. Nawh hoik groi sidah bhawng ka tokaux Aux, sivoe, son bawg yam sipaung heue.

MAKUX 15:40

Bun khankix kawx ot dee singai mai jhak heue. Ka daux kix koe Marix Magadalax mai Marix miex Yakop pa iak mai Yosiep mai Salom,

MAKUX 15:42

Yam hoek ponbo kheu mawh Singaix Khre, pa mawh ngaix sivoe ngaix twah,

MAKUX 15:47

Marix Magadalax mai Marix miex Yosie, yaox dee een tokaux yum Nawh Cao heue.

MAKUX 16:2

Daux aliah ngaix, singaix tix, ponngawb cao cao, kix hu hoek ka simeeig yam hoik lih singaix heue.

MAKUX 16:8

Kix lih mai to hu khaing simeeig, kheu krax lhat siyaung mai krax daox deng, hoik hoek piang kix, kix ang krai tidtix ka pui tix kaux kawx, kheu kied lhat kix heue.

LUKAX 23:54

Singaix an mawh singaix khre mai singaix twah dex sang hoek heue.

LUKAX 23:56

Kix deeh ing mai cox khre sidah bhawng mai sidah kraix khankix heue. Kix laux lee tix, singaix twah, awm pa khaw mai lox tawm pingnyap heue.

LUKAX 24:1

Ka daux aliah singaix ngaix tix, yam bah riang praix cao cao, kix hoek ka simeeig mai viex sidah bhawng khankix, pa hoik cox khre kix heue.

YOHAN 19:25

Yam an miex Nawh Cao mai pux o miex Nawh Cao Marix moeng Kalawphax mai Marix Magadalax khankix cung dex ka khaox lhak Cao Yesux heue.

YOHAN 19:31

Singaix an mawh Singaix Khre son ang sang koe tokaux yum khankix ka piang khaox lhak singaix twah, (mawh kheu singaix twah an mawh pa ting lhaong), pui Yudax khankix tom hu rawg mhaing ka Pilat mai kieh nawh nhie raig caong kix pot, sonsang pon ti tik kix kak heue.