MAKUX 15:26 - Wa Common Language Translation

²⁶ Lai tiiem grawng deuh Nawh lud, hoik tiiem deuh ka piang ah nin, “SIMIANG PWI YUDAX”

MAKUX 15:26 Iomraidhean Croise

YAOGYAW 2:6

“Aux hoik deuh Simiang cie Aux, ka piang gawng Zion pa singax singeh cie Aux heue.”

YAOGYAW 76:10

Krax pa song rhawm kawn pui, deeh tieh ti mawh pa yaogyaw ka Maix mai krax pa song rhawm song rhi pa kawn deuk khankix kawx, Maix hoik rawd ti deuh ka maox rawd nyoi heue.

LOX KAB 21:1

Rhawm simiang koe ka daux tawm taix Siyiex, awm rawm klawng, chix kieh vai hu awm koe alo Nawh heue.

ISAYAX 10:7

Viang mawh nan, nawh ang nyang teei an kix koe dee bleeh mai rhawm nawh kawx ang nyang keud ti yaox grawng an, viang mawh nan, ka daux rhawm rhi nawh, keud ti sang yuh pa laux leeing mai yieh ti tik ceu pui pa haoh hun heue.

ISAYAX 46:10

Aux hoik jhi tom jah tom sidah mai hoik jhi can pa lih ti mawh tom didix mai ah nin krax keud Aux tak kaux cong mai Aux tak kieh kuceu grum naog awm alo tix.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MATHIEX 2:2

chawk ah nin, “Kaw pa hoik keh mawh Simiang pui Yudax koe dee mawx? Mawh kheu hoik yaox ex simuing Nawh lih plak lih singaix, ex tom hoek ti krub ka Nawh Cao heue.”

MATHIEX 27:37

Kix deuh lai pa tang phimap ka Nawh Cao piang kaing Nawh pa ah nin, “IN MAWH YESUX SIMIANG PWI YUDAX,” heue.

MAKUX 15:2

Pilat chawk Nawh ah nin, “Maix mawh Simiang pui Yudax lie? Nawh cao pawk lox ka nawh ah nin “Pa ah maix mawh heue.”

MAKUX 15:27

Kix tawk pui tud rhim ra kaux tau mai Nawh Cao piang khaox lhak, plak dawm Nawh tix kaux mai plak gwiex Nawh tix kaux.

MAKUX 15:32

Kieh Khrit, Simiang Pui Isarelax, lih khaing khaox lhak yam in, sonsang yaox ex mai yum rhawm ex kah heue.” Kaw pa hoik tawk piang khaox lhak tau mai Nawh Cao kawx, ah pa ang cee ang cak ka Nawh heue.

PINGNYAP 23:5

Kheu Simiang Siyiex pex ang nghiet ka lox Balam, mai Simiang Siyiex pex deeh tieh krax jhax lawg mawh krax pa nawb bwan ka pex, mawh kheu moh Simiang Siyiex, Siyiex pex, ka pex.