MAKUX 15:24 - Wa Common Language Translation

²⁴ Kix tawk Nawh Cao piang khaox lhak mai gwieh kraung Nawh sinax kix, khaix hoik nieb kix ti yaox mawh pui mawx pa tak sang teei pa yuh ka mawx.

MAKUX 15:24 Iomraidhean Croise

LUKAX 23:34

Yesux ah nin, “Keeing eue, pluat ploi phimap kix liak, kheu ang kix tawng pa yuh tix heue.” Kix teei kraung ceep Nawh Cao mai nieb ti yaox mai gwieh sinax kix heue.

1 PETRUX 2:24

Kaw pa hoik kham geu phimap ex piang khaox, ka daux tokaux tix, sonsang mawh ex pa hoik yum ka phimap mai deeh im ka pa rahsee heue. Kheu khaix rhoi Nawh, pex hoik pon ti deeh moi heue.

KALATIX 3:13

Cao Khrit hoik taoh ex khaing pa jhax lawg lox lai beenli, kheu hoik mawh Nawh pa jhax lawg son ex, grawh grawng nawh hoik tiiem ti deuh ah nin, “Pa preue ka piang khaox ku kaux daux pui, mawh pa jhax lawg heue.”

2 KAWRINTHUX 5:21

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

KAWNCAU 5:30

Siyiex tax ex, keeing ex, hoik kieh Yesux deeh kaoh im, Kaw pa hoik preue pex ka khaox mai teei yum heue.

PINGNYAP 21:23

ang pon ti grham tokaux yum nawh leeing sawm piang khaox, pex tak sipaung nawh ka daux singaix an, son ang pex sang kieh haktiex tawx Simiang Siyiex, Siyiex pex, pex cie seeing brai, mawh kheu kaw pa preue tix piang khaox ot greem pa jhax lawg Siyiex heue.

KAWNCAU 2:23

Kaw pa hoik dud keud Siyiex, grux tawng mai tawx, pex hoik teei ti tawk Nawh yum piang khaox lhak, ka tawm taix pui ceu pa ang koe lai beenli heue.