MAKUX 15:21 - Wa Common Language Translation

²¹ Kix khin Simon pui meung Kurene, pa mawh keeing Alezandru mai Rufux, pa hoek khaing daux tiag, hu mai kix, sonsang kieh nawh klawm khaox lhak Nawh Cao heue.

MAKUX 15:21 Iomraidhean Croise

MATHIEX 27:32

Yam lih hu kix, kix yaox pui Kurene tix kaux, pa kaux Simon, mai kix khin nawh hu, sonsang kieh nawh klawm khaox lhak Nawh Cao heue.

MATHIEX 5:41

Pui mawx ang ah pa khin maix hu tix lag, hu mai nawh ra lag heue.

MAKUX 15:20

Khaix hoik yuh kix pa ang cee cak ka Nawh Cao, kix peeik kraung pa raoh klai khaing Nawh mai deeh ceep kraung cie Nawh. Kix tuk Nawh hu song sang tawk Nawh Cao piang khaox lhak heue.

LUKAX 14:27

Pui mawx ang ah, pa ang klawm khaox lhak tokaux tix mai hawt khaix Aux, ang pon ti mawh kawncau Aux heue.

LUKAX 23:26

Yam tuk kix Yesux hu, kix giex Simon pa mawh pui meung Kurene, pa kaoh khaing daux tiag mai kix deuh khaox lhak ka piang nawh, sonsang klawm khaox lhak an hawt Yesux heue.

YOHAN 19:17

Nawh Cao klawm khaox lhak tokaux tix hu dee kok mawh Dee Siang Kaing. Daux lox Hebrie kok mawh Gawlaxgawthax heue.

KAWNCAU 11:20

Kix tix blah pa mawh pui meung Kuparux mai meung Kurene, yam hoek kix ka veng Antiuk, kix sidiex gau grawng Simiang Yesux ka khawm pui Helasax kawx heue.

KAWNCAU 13:1

Ka daux ceucao pa koe ka daux veng Antiuk, koe pui pa mawh cao jhai mai cao gau, pa mawh Banabax mai Simeon pa kok mawh Nika. Mai Lukix pui meung Kurene mai Manaen pa hoik yuh ti mawh puxaik simiang Herut mai Sawlux heue.

KAWNCAU 2:10

mai ka daux meung Pharuki mai meung Pampuli, ka daux meung Ejiptux mai haktiex meung Libya mai sivie veng Kurene mai nyo sinie khankix pa kaoh khaing veng Romax, pui Yudax mai khawm pui pa hoik laig li kix.

KAWNCAU 6:9

Viang mawh nan kix tix blah pa dex dawd mai nyiex sidiex, pa kok mawh Liberatin mai pui meung Kurene mai pui veng Alezandre mai kix pa mawh pui meung Kiliki mai meung Asix tix blah, thung thiang mai Sathephan heue.

ROMAX 16:13

Nawb ka Rufux, pa mawh pa hoik laug Cao Khrit mai ka miex nawh pa mawh khawm miex aux heue.