MAKUX 15:19 - Wa Common Language Translation

¹⁹ Kix sivied kaing Nawh Cao ka priem mai baig rawm myia piang Nawh mai grux ngawng tix krub ka Nawh Cao heue.

MAKUX 15:19 Iomraidhean Croise

YAM JAH 24:52

Yam hoik mhong kawncau Abraham lox krai kix, nawh tom grux ngawng tix piang tiex mai krub ka Simiang Siyiex heue.

YAM JAH 43:28

Kix ah nin, “Yix pa mawh kawncau maix, keeing yix nyawm ot, nawh kawn im ju.” Kix gup ngai tix mai krub ka nawh heue.

1 SIMIANG 19:18

Viang mawh nan, aux tak prah kieh pui deuk aliah rheng kaux ka daux pui Isarelax, pa ang sax grux ngawng krub ka Balax mai jheeh pa ang sax ngheet ka nawh heue.

YAWBAX 13:9

Phan Siyiex jawg tix jhak ka maix mhawm mhawm sang yaox Nawh Cao ceu pa mhawm ka maix tix ceuceu lie? Mawh keud maix tix pon pie lhen ka Siyiex awm pon pie lhen maix ka pui tix lie?

YAOGYAW 69:12

Yam ngawm kix bang kum daux siviex lawng mai yoek ka plai mai ah lox rhax grawng aux heue.

ISAYAX 45:23

Aux hoik tiextu ka cao tix, gumlox pa lih khaing jheeh Aux mawh pa rahsee mai ang lai deeh hoek, ngawng ku ngawng tak grux tix ka Aux, dak ku dak tak tiextu tix ka Aux.”

ISAYAX 49:7

Siyiex cao pa taoh pui Isarelax mai cao pa singax singeh, ah nin ka pui pa salao mai ka pui pa koeng ceu pui haktiex kah mai pa mawh siliex cao pa kwang haktiex, “Simiang tak jhak mai kaoh cung, cub kawn simiang tak krub ka nawh, kheu Siyiex mawh cao pa kaux sijax, cao pa singax singeh pui Isarelax, cao pa laug ka maix.”

ISAYAX 50:6

Aux tawx blawg tix ka pui an kix, pa sivied ka Aux mai tawx sibax Aux ka pui an kix pa reeig ka hauk sibax Aux heue. Aux ang lai mox pakngai khaing krax kaig tua mai khaing krax baig heue.

ISAYAX 52:14

Awm krax pa hoik daox deng pui tom nie ka Nawh, mawh kheu grang pakngai Nawh hoik nie lheu khaing pui tang kaux mai grang grao Nawh hoik nie lheu laux khaing kawn pui khankix,

MIKHA 5:1

Kawn bun cub lien khankix eue, yam in kraix khrawm paox pex hoek ka daux cub lien khankix heue. Pui koeng hoik lai lawm ka ex heue. Kix tak sang sivied sibax cao pa prawng ceu pui Isarelax ka gawng khaox heue.

MATHIEX 27:30

Kix baig piang Nawh Cao mai kix teei gawng priem an mai sivied ka kaing Nawh heue.

MAKUX 10:34

mai kix tak sang yuh pa ang cee ang cak ka Nawh mai baig rawm myia piang Nawh mai sivied Nawh mai teei Nawh yum heue. Khaix an loe ngaix Nawh tak deeh kaoh im heue.”

MAKUX 14:65

Tix blah baig rawm myia piang Nawh Cao mai tawb pakngai Nawh Cao mai jhawp taix tix klah Nawh Cao mai ah nin ka Nawh, “Krai lox jhai heue.” Pui cau simiang khankix kawx, yam rieb ti teei Nawh Cao, kix simang Nawh ka taix tix.

MAKUX 15:18

Kix jah ti ah nin ka Nawh Cao, “Simiang pui Yudax eue, kieh nyawm ot heue.”

MAKUX 15:20

Khaix hoik yuh kix pa ang cee cak ka Nawh Cao, kix peeik kraung pa raoh klai khaing Nawh mai deeh ceep kraung cie Nawh. Kix tuk Nawh hu song sang tawk Nawh Cao piang khaox lhak heue.

MAKUX 9:12

Nawh Cao ah nin ka kix, “Eliyax tak hoek phao ka tete mai cox mhawm khawmuik heue. Pa hoik tiiem grawng Kawn kawn pui, tak kham geu tom nie ceu mai pa tik vud sang yuh ka mawx?

LUKAX 22:63

Pui pa giex ka Nawh Cao khankix, yuh pa ang cee ang cag ka Nawh mai tap Nawh heue.

LUKAX 23:11

Herut, khawm pui naing nawh khankix, nieb yuh pa ang nab ang yam, yuh pa ang cee ang cak ka Nawh, kieh Nawh ceep kraung pa jiet mhawm grang mai deeh ploi Nawh Cao hu ka Pilat heue.

LUKAX 23:36

Pui naing khankix kawx, yuh pa ang cee ang cak mai tawx ti yaox sidah niex ka Nawh,

ROMAX 11:4

Lox pa pawk Siyiex, hoik ah yuh ka mawx ka nawh? “Aux hoik prah kieh deuk pui aliah rheng son tokaux tix, pa ang sax grux ngawng ka Balax.”

PHILIPPIX 2:10

Ngawng ku ngawng tak sang grux ngawng ka daux ceu kaux Yesux, can pa koe ka daux meung raoma ang ah, ka piang haktiex ang ah, ka greem haktiex ang ah,

HEBRIE 13:13

Mawh kheu nan kieh ex lih hu plak praix dee bang ka Nawh mai rom ti kham ka ceu pa nieb map ka Nawh Cao heue.