MAKUX 14:44 - Wa Common Language Translation

⁴⁴ Kaw pa tik pa tawx Nawh Cao hoik tawx mhai, sonsang kieh kix tawng tix ceu ah nin, “Aux ngheut pui mawx ang ah, mawh Kaw an. Giex Nawh mai tuk Nawh hu mhawm mhawm.”

MAKUX 14:44 Iomraidhean Croise

LIH HU 12:13

Yam in nham tak mawh mhai rug son pex, ka daux nyiex pa ot pex, yam yaox Aux ka nham, Aux tak via khaing pex mai krax kha rhawm tak ang lai koe ka piang pex mai son ang pex sang laux leeing yam hoek Aux ti pah ka kawn liang haktiex Ejiptux.”

LOX KAB 27:6

Yam ciyang paox grawm ka maix, nawh kawn kaux sijax mai priex maix, yam ngheet pui koeng ka maix, mawh pa sang tieh ka maix heue.

MATHIEX 26:46

Kaoh, ex hu heue, jhak heue, kaw pa sang tik sang tawx Aux dex hoek heue.”

MAKUX 14:43

Yam kawn sikah Nawh Cao, dom mawx dom an, Yudax pa mawh ka daux kix kao ra kaux tix kaux, hoek tau mai cub pui hun, pa viex vaid viex khaox mai lih hoek khaing cao giex kaing li pa ting mai pui tiiem lai mai kuad song khankix heue.

MAKUX 14:45

Yam hoek nawh, nawh hoek ka Nawh Cao dom mawx dom an ah nin, “Rabi eue,” mai ngheut ka Nawh heue.

KAWNCAU 16:23

Khaix hoik sivied kiex tom nie taix, kix sau kiex daux thawng mai kix tawm lox ka cao giex kaing thawng, nhie nawh jawg ti pau kiex mhawm mhawm heue.

PHILIPPIX 1:28

mai grawng ang lhat graung ka pa koeng khankix heue.Grawh grawng nawh pa ang pex lhat mawh mhai mawh kheu ngha sang laux kix, viang mawh nan sang mawh mhai grawng pa taoh pex, an mawh khaing Siyiex heue.

2 THESALONIX 3:17

Aux Pawlux teei ti tiiem lox nawb in ka taix tix, pa mawh mhai ka daux lai ku phuk, aux tom tiiem yuh nin heue.

YAWSUX 2:12

Mawh kheu nan, yam in, aux khyox khaw pax mai aux simie pax tiextu ka Siyiex, awm hoik jhi aux krax pa caux rhawm tix ka pax, sonsang deeh jhi pax krax pa caux rhawm tix ka nyiex ma keeing aux mai tawx mhai rug pa mawh meh ka aux tix ceu,