MAKUX 14:41 - Wa Common Language Translation

⁴¹ Nawh Cao deeh hoek loe bawg tix bawg mai ah nin ka kix. “Yam in kawn it mai laux lee tix heue. Ding heue, bawg yam nari hoik hoek, jhak heue, tak sang tik sang tawx Kawn kawn pui daux tawm taix pui phimap khankix heue.

MAKUX 14:41 Iomraidhean Croise

1 SIMIANG 18:27

Yam hoek yam jung singaix Eliyax ah lox ang cee ang cak ka kix ah nin, “Yo lox pex tom ting, mawh kheu mawh nawh siyiex, nawh kawn keud rhawm tix, phan ang mawh nan, nawh kawn nie kaing, phan ang mawh nan, nawh kawn hu krax, phan ang mawh nan, nawh kawn laig it pleue, pex khaw ti so nawh kaoh heue.

1 SIMIANG 22:15

Yam hoek nawh ka simiang mai simiang ah nin ka nawh, “Mikha eue, sang caw ex ti hu puing ka veng Ramot haktiex Gilat, phan ang mawh nan, ang caw ti hu lie? ” Mai nawh deeh pawk ah nin, “Hu heue maix tak pex, Simiang Siyiex tak ap veng an ka daux taix simiang heue.”

2 SIMIANG 3:13

Khaix an Elishie ah nin ka simiang pui Isarelax “Mawh koe aux ceu pa yuh patix tau mai maix lie? Hu ka cub cao jhai keeing maix khankix mai ka cao jhai miex maix khankix, ” Mai simiang pui Isarelax ah nin ka nawh, “Ang mawh nan mawh kheu Siyiex hoik kok simiang inkix hoek tau, sonsang ap Nawh Cao ti tawx kix ka daux tawm taix pui Mawbax heue.”

SIDIEX 11:9

Pui awn ju eue, gaux rhawm yam kawn awn ju maix mai kieh rhawm maix koe krax nyawm rhwm baux yam kawn awn ju maix, hawt hu ka daux krax pa koe rhawm maix mai ka daux pa yaox maix ka ngai tix khankix heue. Viang mawh nan tawng ka mawh kaing ceu an khankix pa sang viex Siyiex tix prawng ca ka maix heue.

YEZAKELAX 20:39

“Nyiex ma ceu pui Isarelax khankix eue, Siyiex ah nin, hu heue, tang hu krub ka riang grang krub pex ku kaux, phan pex ang cu nghiet ka Aux mai pex tak ang lai yaox tix ah lox salao ka min ceu kaux pa singax singeh Aux tau mai krax tan tix ka riang grang krub pex khankix.

MATHIEX 26:2

“Pex tawng, khaix in ra singaix tak hoek bawg yam pawie Pasakha mai tak sang tawx ka Kawn kawn pui, sonsang tawk Nawh piang khaox lhak heue.”

MAKUX 14:10

Yudax Isakariut pa mawh tix kaux ka daux kawncau kao ra kaux, hu ka cao giex kaing li pa ting khankix, sonsang tawx Nawh Cao ka kix heue.

MAKUX 14:18

Yam ngawm neung kix mai sawm, Yesux ah nin, “Aux krai lox tete ka pex, ka daux pex tix kaux pa sawm tau mai Aux, tak sang tik sang tawx Aux heue.”

MAKUX 14:35

Nawh Cao hu sivoe ceeix mai grux gup piang tiex mai rawg bwan, bawg yam an tak luan khaing Nawh, phan chix kieh luan heue.

MAKUX 14:40

Nawh Cao baox deeh hoek mai yaox kix laig it, kheu ngai kix cien. Kix ang tawng lox pa sang pawk ka Nawh heue.

MAKUX 14:42

Kaoh, ex hu heue, jhak heue, kaw pa sang tik sang tawx Aux dex hoek heue.”

MAKUX 7:9

Nawh Cao baox ah nin ka kix, “Pex tik mhawm mhawm lox pa hoik nhie Siyiex pex yuh, yuh ka mawx sonsang pon hawt pex been pex.

MAKUX 9:31

Kheu Nawh Cao gau ka kawncau Nawh khankix mai ah nin ka kix, “Tak sang tawx Kawn kawn pui ka daux tawm taix kawn pui khankix, kix tak teei Nawh yum, khaix hoik yum Nawh loe ngaix Nawh tak deeh kaoh im heue.”

YOHAN 12:23

Yesux deeh ah nin, “Bawg yam nari pa sang yaog min pakngai Kawn kawn pui hoik hoek.

YOHAN 12:27

Bawg yam in Aux koe krax khi rhawm Aux tak sang ah ka mawx? Sang ah, Keeing eue. Taoh Aux khaing bawg yam nari in liak, lie? Viang mawh nan pa hoik hoek Aux mawh son bawg yam nari in heue.

YOHAN 17:1

Khaix hoik ah Yesux ceu an khankix Nawh maong ti jhak ka raoma ah nin, “Keeing eue, bawg yam hoik hoek, kieh Kawn Maix koe min pakngai liak, son sang kieh Kawn Cao Maix koe min pakngai heue.

YOHAN 7:30

Mawh kheu nan kix sawg ti giex teei Nawh Cao, viang mawh nan, kheu ang bawg yam Nawh nyang bax hoek, pui tix kaux kawx ang pon ti giex Nawh.

YOHAN 8:20

Yam sidiex gau Nawh daux nyiex bwan, Nawh krai lox ceu in ka daux lawg dee deuh mau. Tix kaux kawx ang giex Nawh kheu bawg yam Nawh ang nyang bax hoek heue.

KAWNCAU 7:52

Hoik koe cao jhai kaw pa yuh ka mawx, pa ang tax du pex tuktiak kah? Kix pah kix yum pa jhi sivoe ka sang hoek. Kaw pa rahsee heue. Kaw pa pex hoik lih mawh pui pa tik vud mai pui pa teei yum heue.

CAO PRAWNG 10:14

“Lih hu mai riag yo ka siyiex pa laug pex ti teei khankix, kieh kix deeh taoh pex yam hoek pex krax laux rhawm heue.”