MAKUX 14:18 - Wa Common Language Translation

¹⁸ Yam ngawm neung kix mai sawm, Yesux ah nin, “Aux krai lox tete ka pex, ka daux pex tix kaux pa sawm tau mai Aux, tak sang tik sang tawx Aux heue.”

MAKUX 14:18 Iomraidhean Croise

YAOGYAW 41:9

Paox grawm pa yum rhawm aux, pa ih blah aux, yaog caong tix tiied ka aux heue.

MATHIEX 26:21

mai yam sawm kix, Nawh Cao ah nin, “Aux krai lox tete ka pex, ka daux pex tix kaux tak sang tik sang tawx Aux heue.”

MATHIEX 5:18

Aux krai lox tete ka pex, tom ang haktiex mai raoma nyang bax grai, ngai lai lai beenli viang ki iak miex ding kawx, ang chix grai grhup tix gum kawx, tom hoik mawh grum naog khawmuik.

MATHIEX 6:16

“Lheu khaing in, yam twah pex pa ih, paw kieh voi pakngai awm pui pie lhen khankix, mawh kheu kix yuh pakngai kix ang nyawm ti jhak, sonsang kieh pui yaox kix twah priex tix heue. Aux krai lox tete ka pex, kix hoik pon bwanson cie kix heue.

MATHIEX 6:2

Mawh kheu nan, yam yuh pex pa tan, paw phlu teettawng hu sivoe pex, awm pa yuh pui pie lhen khankix ka daux nyiex sidiex khankix mai ka daux krax khankix, sonsang pon kix min plakngai khaing kawn pui. Aux krai lox tete ka pex, kix hoik pon bwanson kix heue.

MATHIEX 6:5

“Yam rawg pex bwan, pex paw yuh awm pui pie lhen khankix, kheu moh kix ti cung mai rawg bwan ka daux nyiex dee sidiex khankix mai ka gah krax, sonsang kieh pui yaox ka tix heue. Aux krai lox tete ka pex, kix hoik pon bwanson kix heue.

MAKUX 10:15

Aux krai lox tete ka pex, pui mawx ang ah pa ang rieb ti teei Meung Siyiex awm kawn nyawm iak, tak ang tau ti pon ti laig tan heue.”

MAKUX 10:29

Yesux ah nin, “Aux krai lox tete ka pex, ang koe pui tix kaux kawx pa hoik prah grham nyiex nawh, phan ang mawh nan, puxaik nawh, nan nawh, miex nawh, keeing nawh, kawn praix nawh mai ma kaung nawh khankix, kheu Aux mai kheu lox bwan gaux rhawm.

MAKUX 14:17

Yam hoek ponbo Nawh Cao hoek tau mai kix kao ra kaux.

MAKUX 14:19

Kix khi rhawm kah mai tix kaux lai tix kaux ah nin ka Nawh Cao, “Mawh aux lie?”

MAKUX 14:25

Aux krai lox tete ka pex, Aux tak ang nyaux rawm plix siiet in, tom sidah ngaix yam tak nyaux Aux pa khraox ka daux meung Siyiex heue.”

MAKUX 14:9

Aux krai lox tete ka pex, dee mawx ang ah, dee sang sidiex gau lox bwan gaux rhawm in ka piang haktiex kudah dee khawmuik, grawng ceu pa yuh bun in kawx, tak sang krai, sonsang doh keud ka nawh heue.”

MAKUX 3:28

Aux krai lox tete ka pex, tak sang pluat phimap kawn pui khawmuik mai lox pa salao ka Siyiex khawmuik heue.

MAKUX 6:11

Dee mawx ang ah, pa ang rieb pex mai dee ang kix nghiet lox pex, yam lih hu pex khaing tan khruah phawng tiex pa koe greem caong pex, som sang mawh mhai rug ka kix heue.”

MAKUX 8:12

Nawh Cao ngia daux khuan tix ah nin, “Yuh patix pui ju in sawg mhai pa daox deng? Aux krai lox tete ka pex, tak ang tawx mhai pa daox deng ka pui ju in tix ceu kawx heue.”

MAKUX 9:1

Nawh Cao baox ah nin ka kix, “Aux krai lox tete ka pex. Koe pui pa cung dex tin tix blah, pa tak ang cim krax yum, tom ka ang kix bax yaox pa hoik hoek Meung Siyiex ka daux sibrawm heue.”

MAKUX 9:41

Pui mawx ang ah pa tawx pex nyaux rawm tix kawk, mawh kheu mawh pex cie Cao Khrit, Aux krai lox tete ka pex, bwanson cie nawh tak ang grai, ang piawm heue.

LUKAX 11:51

Jah ka nham Abelax tom sidah hoek ka nham Zakharix, pa hoik laux hoik yum, sinax nyiex bwan mai khu dee tan heue. Mawh heue, Aux krai ka pex, tak sang hoek ka piang pui ju in heue.

LUKAX 22:21

Viang mawh nan, taix kaw pa sang tik sang tawx Aux, koe tau mai Aux, piang pheen in heue.

LUKAX 4:24

Nawh Cao baox ah nin, “Aux krai lox tete ka pex, ang koe cao jhai tix kaux kawx, pa sang rieb pui ti teei ka daux meung tokaux tix heue.

YOHAN 1:51

Nawh Cao baox ah nin ka nawh, “Aux krai lox tete ka maix, khaix in maix tak sang yaox baoh raoma mai kawncau Siyiex haok haok lih lih, ka piang Kawn kawn pui heue.”

YOHAN 13:18

Ang Aux krai grawh grawng pex khawmuik. Aux tawng pui pa hoik laug Aux heue, viang mawh nan yuh ka mawx sonsang naog lox Phuk lai singang khri pa ah nin, Kaw pa ih blah Aux, yaog loek caong tix tiied ka Aux heue.

YOHAN 13:21

Khaix hoik krai Yesux ceu an, Nawh koe krax khi rhawm daux khuan tix kham mhai rug ah nin, “Aux krai lox tete ka pex, ka daux pex tix kaux tak sang tik sang tawx Aux heue.”

YOHAN 13:22

Kawncau Nawh khankix tix kaux lai tix kaux jhak ka paox tix keud jee keud blaong grawh grawng sang ah Nawh ka pui mawx.

YOHAN 13:38

Yesux baox pawk lox ah nin, “Maix koe rhawm ti sang tik sang deuh ju tix yum son Aux lie? Aux krai lox tete ka maix, ka ang ia nyang ux maix tak sang thiang ti tik vud Aux loe bawg heue.”

YOHAN 21:18

Aux krai lox tete ka maix, yam awn ju maix, maix chix nhawt maox rawd nyoi tokaux tix tiru maix pon hu dee simie maix ti hu. Viang mawh nan, yam hoik kuad maix, maix tak sang nyeu taix mai pui tang kaux tak sang nhawt maox rawd maix viex maix hu dee ang maix simie ti hu heue.”

YOHAN 3:11

Aux krai lox tete ka maix ex krai ceu pa tawng ex mai kham mhai rug grawng pa hoik yaox ex pex ang rieb ti teei mhai rug pa kham ex.

YOHAN 3:3

Yesux pawk ah nin, “Aux krai lox tete ka maix, phan pui ang baox deeh keh tix bawg, nawh ang pon ti yaox Meung Siyiex heue.”

YOHAN 3:5

Yesux baox deeh pawk lox ah nin, “Aux krai lox tete ka maix, phan pui ang keh daux rawm mai Khuan, nawh ang pon ti laig ka daux Meung Siyiex.

YOHAN 5:19

Mawh kheu nan Yesux baox pawk lox ka kix ah nin, “Aux krai lox tete ka pex, Kawn Cao ang chix yuh nong nong tix ceu kawx, viang mawh nan Nawh yuh kheu ceu pa yaox Nawh pa yuh Keeing Cao, Kawn Cao kawx yuh ceu an heue.

YOHAN 6:26

Yesux baox pawk lox ah nin ka kix, “Aux krai lox tete ka pex, pex sawg Aux kheu hoik yaox pex mhai pa daox am ang mawh, viang mawh nan mawh kheu hoik pon pex ti ih blah tom sak heue.

YOHAN 6:32

Mawh kheu nan Yesux baox pawk lox ah nin ka kix, “Aux krai lox tete ka pex, ang lai mawh pa tawx Mose blah khaing raoma ka pex. Viang mawh nan mawh Keeing Aux pa tawx blah pa mawh meh khaing raoma ka pex heue.

YOHAN 6:47

Aux krai lox tete ka pex, kaw pa yum rhawm hoik koe ju leeing ju.

YOHAN 6:70

Yesux baox pawk lox ah nin ka kix, “Aux hoik laug ti teei pex kao ra kaux ang mawh lie? Viang mawh nan ka daux pex tix kaux mawh phi caox heue.”