MAKUX 14:15 - Wa Common Language Translation

¹⁵ Tokaux nawh tak sang jhi pax yaox lawg pa ting plak piang, pa hoik koe kraung mai pa hoik cox. Cox khre dee an son ex heue.”

MAKUX 14:15 Iomraidhean Croise

2 GRAWNG BEEN 6:30

Khaix an, nghiet lox kix khaing meung raoma dee ot dee koe Maix Cao, pluat ploi phimap nawh mai tawx ka pui ku kaux, awm pa hoik yuh nawh khawmuik, Maix Cao hoik tawng daux rhawm pui, mawh Maix nong nong pa tawng rhawm kawn pui.

YAOGYAW 110:3

Singaix yam jhi Maix sibrawm pui Maix khankix, ceep ka kraung pa singax mai koe rhawm sibieh ti tan mai sinaw khankix hoek ka Maix awm lih rawm ciex ponngawb heue.

LOX KAB 16:1

Rhawm keud khawmuik mawh pa dex mai kawn pui, dak mai: lox kaoh khaing dak khawmuik, mawh cie Siyiex heue.

MAKUX 14:14

Nawh laig dee mawx ang ah, ah nin ka cao nyiex an, Sara Cao gau ah nin, Lawg son nyo maix, dee tak sang ih Aux Pasakha tau mai kawncau Aux khankix, koe dee mawx?

MAKUX 14:16

Kawncau ankiex hu laig ka daux veng mai yaox awm pa hoik krai Nawh Cao ka kiex mai kiex cox khre pawie Pasakha heue.

YOHAN 21:17

Nawh Cao baox chawk ka nawh loe bawg tix bawg ah nin, “Simon kawn Yonax eue maix moh ka Aux lie?” Petrux khi rhawm kheu hoik chawk Nawh Cao ka nawh tom hoek loe bawg, “Maix moh ka Aux lie?” Nawh ah nin ka Nawh Cao, “Simiang eue Maix tawng grawh grawng kuceu khawmuik, Maix tawng grawng pa moh aux ka Maix heue.” Yesux baox ah nin ka nawh, “Tawx yung Aux khankix sawm heue.

KAWNCAU 1:13

Yam hoik laig kix tan, kix haok daux lawg plak piang, dee ot kix, khawm Petrux, Yohan, Yakop, Andare, Philipux, Thomax, Bathawlamie mai Mathiex, Yakop kawn Alaphie mai Simon Zelot mai Yudax pux Yakop heue.

KAWNCAU 20:8

Kwe kawk ngu tom nie daux lawg plak piang ka dee khrawm ex paox tix tan heue.

2 TIMOSE 2:19

Viang mawh nan jaong num Siyiex kaux cong, pa koe cum yuh nin, “Simiang Siyiex tawng kix pa mawh cie tix,” mai khawm pa ah, “Kieh pa kok ka ceu kaux Simiang Siyiex ku kaux daux pui lih hu khaing pa ang rahsee heue.”

HEBRIE 4:13

Ceu pa hoik phan hoik deuh ang koe tix ceu kawx pa ang sidawng ka Nawh Cao, ku ceu khawmuik mawh pa kakaong mai pa hoik paoh ka sivoe ngai Nawh Cao, pa mawh Cao pa sang prawng ca ka ex heue.