MAKUX 13:8 - Wa Common Language Translation

⁸ Mawh kheu pui tix ceu mai tix ceu, tix meung mai tix meung tak cha paox tix mai kla reem tak sang tok dee haoh dee mai praix tak sang sibhawm. Ceu in khawmuik mawh pa jah krax kha rhawm tix heue.

MAKUX 13:8 Iomraidhean Croise

2 GRAWNG BEEN 15:6

Mawh kheu nan, tix meung mai tix meung, tix veng mai tix veng ra lai yuh paox tix laux, mawh kheu Siyiex hoik tawx krax kha rhawm kix tau mai krax pa kham geu kuceu heue.

YAOGYAW 48:6

Kix kied lhat graung ka veng an mai yaox krax kha rhawm awm bun pa sang keh heue.

ISAYAX 19:2

Aux tak sang kieh pui Ejiptux deeh tieh feen ka paox pui Ejiptux khankix, puxaik deeh tieh feen ka puxaik mai pui ku kaux tak deeh tieh feen ka paox plawg tix, tix veng mai tix veng tix meung mai tix meung tak sang puing paox tix heue.

ISAYAX 29:6

Siyiex cao kru naing raoma, tak hoek fi ka maix khaing, sinum praix, khaing tuk kla reem, khaing bhaung ting lhiex ting mai bhaung keu kang lux mai khaing rao ngu pa koe krax laux leeing.

ISAYAX 37:3

Kix ah nin ka nawh, “Hezakix ah nin in singaix mawh singaix pa kha rhawm pa kham krax pa sivied ti gau mai pa kham lox salao singaix pa awm hoek bawg yam sang keh kawn ngie, viang mawh nan, ang lai koe riang rao tix keh.

YERAMIX 13:21

Yam tawx Nawh Cao krax prawng ca ka maix, sang ah maix ka mawx ka lie? Mawh kheu maix hoik gau kix, sonsang mawh cao thung bung mai cao kaing ka piang maix heue. Mawh ang krax saux giex ti deuh ka maix, awm bun pa kha tix yam keh lie?

YERAMIX 22:23

Pui pa ot piang gawng Lebanon pa yuh mheem piang khaox Arit khankix eue, krax kha rhawm tak sang hoek piang maix awm krax saux ngia yam keh bun kawn tix, tak sang mawh pa koe krax caux rhawm ka maix miex ding lie?”

YERAMIX 25:32

Siyiex Cao kru naing raoma ah nin, Jhak heue, krax kha rhawm tak sang lih hoek khaing haktiex tix meung hoik tix meung mai bhaung keukanglux pa kied kin ting tak taih khaing sidah sidu haktiex heue.

YERAMIX 4:31

Mawh kheu Aux hoik mhong lox pa awm lox ngia bun keh pa ang sax keh kawn tix mai lox ngia pa saux nawh awm bun pa liang ti keh kawn tix, awm an lox yo kawn bun veng Zion ka daux pa ngia nawh pa neh taix tix ah nin, “Aux koe krax kha rhawm yam in heue. Aux kied koe krax pa laux rhawm kheu jao grawng cao pa pah pui khankix heue.”

YERAMIX 49:24

Veng Damasekat hoik kied iak riang iak rao mai veeh tix sang to, krax lhat graung hoik ceep ka nawh heue. Krax saux mai krax laux rhawm hoik hoek piang nawh, awm bun pa saux yam sang keh nawh heue.

YERAMIX 50:43

Yam mhong simiang Babulon ka grawh grawng an mai taix nawh hoik dieh riang, krax pa kha rhawm hoik ceep nawh, awm bun pa saux yha bawg yam keh tix heue.

YERAMIX 6:24

Ex hoik mhong ka grawh grawng satang an mai taix ex kawx awn riang ka heue. Krax kha rhawm hoik giex piang ex awm saux bun keh heue.

HAGIE 2:22

Aux tak sang pluk pliak ti tik dang ngeung meung haktiex khankix mai yuh sibrawm pui tang ceu khankix laux leeing heue. Aux tak sang pluk pliak ti tik ling lawx naing ka daux an khankix mai khawm ka pui pa brug ti hoek ka daux an kix, brung mai pui naing brug brung khankix tak som nai mai pui ku kaux tak sang goh ti yum ka vaid puxaik tix heue.

ZAKHARIX 14:13

Ka daux singaix an mai krax lawh maw ka krax tong teen pa ting pa kaoh khaing Siyiex tak sang koe ka daux sinax kix mai kix tak ra lai giex taix paox tix mai yaog taix tix ra lai pah ka paox tix heue.

MATHIEX 24:8

Viang mawh nan ceu in khawmuik mawh pa jah tix kha rhawm awm bun jah tix saux yam sang keh heue.

MAKUX 13:7

Yam tak sang mhong pex grawh grawng naing mai grawh grawng sang yuh naing, paw vi khi rhawm kah heue, ceu in tak sang mawh, viang mawh nan ang nyang bax mawh bawg yam sidah heue.

MAKUX 13:9

Rien rhawm tix kah, kheu kix tak tawx pex ka cub kuad song cao prawng ca khankix mai tak sang sivied pex ka daux nyiex dee sidiex khankix mai pex tak sang cung sivoe cao giex kaing haktiex mai simiang khankix, son Aux, sonsang mawh mhai rug ka kix heue.

KAWNCAU 11:28

Ka daux kix tix kaux pa kaux Agabux kaoh cung mai grux krai lox jhai ka daux Khuan, grawng tak sang kied sibhawm praix piang haktiex khawmuik heue. Sibhawm ting an hoek ti mawh ka daux bawg yam singaix simiang Kesa Klawdi heue.

1 THESALONIX 5:3

Yam kawn tak ah kix “Koe pa nhim mai ang koe dee lhat,” yam an dom mawx dom an pa laux pa leeing sang hoek ka piang kix, awm pa saux yha hoek ka piang bun pa koe kaux mai ang kix tau ti pon luan heue.

PLAK JHI 6:4

Brung tang mu tix mu, pa mawh brung raoh lih hu mai ka kaw pa ngawm ka piang brung an hoik tawx ti kieh nawh teei krax nhim khaing haktiex, yuh ka mawx sonsang pah pui yum ka paox tix mai teei ti tawx vaig ting tix kre ka nawh heue.