MAKUX 13:7 - Wa Common Language Translation

⁷ Yam tak sang mhong pex grawh grawng naing mai grawh grawng sang yuh naing, paw vi khi rhawm kah heue, ceu in tak sang mawh, viang mawh nan ang nyang bax mawh bawg yam sidah heue.

MAKUX 13:7 Iomraidhean Croise

2 SAMOELAX 14:14

Ex tak mawh pa yum tau ku kaux mai awm rawm pa hoik hieh piang tiex, pa ang lai chix khrawm Siyiex ang lai teei ju pui pa yum tix kaux kawx, viang mawh nan, Siyiex sawg daux krax son ang Nawh Cao tik vud ka pui pa hoik grheu Nawh khaing tix.

YAOGYAW 112:7

Nawh ang lhat ka lox pa caox pa ang mhawm khankix, ka daux rhawm nawh, kaux cong ka daux Siyiex heue.

YAOGYAW 27:3

Viang pui naing khankix yuh tab kawx, aux ang lhat, viang kix viex kru naing mai hoek ti puing ka aux kawx, rhawm aux kaux cong kheu aux deuh rhawm ka Siyiex heue.

LOX KAB 3:25

Paw lhat graung ka ceu pa caox pa phai mai ceu pa laux leeing, pa yaox pui caox kix heue.

ISAYAX 8:12

“Paw ah ex rom ti yuh cub caw tix, tix cub, son ceu pui in khawmuik pa kok mawh cub caw tix cub, paw koe krax lhat ka krax pa glhat kix mai paw koe krax graung rhawm ka heue.

YERAMIX 51:46

Paw kieh pex sung sang rhawm mai lhat graung ka mhong tix grawng satang veng an, tak sang mhong ka grawng lox satang tix num hoik tix num mai krax pa kied kin kha rhawm, tak koe ka daux haktiex mai simiang cao kwang haktiex tak sang tud rhim ka paox tix, tix kaux lai tix kaux heue.

MATHIEX 18:7

“Haktiex in tak kha rhawm heue, kheu koe dee sideeing caong khankix. Dee sideeing caong khankix tak sang hoek, viang mawh nan, pui pa yuh dee sideeing caong tak kha rhawm heue.

MATHIEX 2:3

Yam mhong simiang Herut ka lox an, nawh mai pui veng Yerusaliem khawmuik sung sang rhawm kah heue,

MAKUX 13:6

Pui tom nie tak sang briex ti teei ceu kaux Aux mai hoek ah nin, Aux mawh Nawh heue. Tak pon pie lhen kieh pui lud tom nie heue.

MAKUX 13:8

Mawh kheu pui tix ceu mai tix ceu, tix meung mai tix meung tak cha paox tix mai kla reem tak sang tok dee haoh dee mai praix tak sang sibhawm. Ceu in khawmuik mawh pa jah krax kha rhawm tix heue.

YOHAN 14:1

“Paw kieh rhawm pex koe krax khi rhawm, yum rhawm ka Siyiex, ka Aux kawx yum rhawm heue.

YOHAN 14:27

Aux deuh pa nhim mai pex, pa nhim Aux, Aux tawx ka pex. Pa tawx Aux ka pex ang awm pa tawx haktiex. Paw kieh rhawm pex koe krax khi rhawm, viang krax lhat graung kawx paw kieh koe awx.

KAWNCAU 17:3

mai plak jhi grawng Cao Khrit tak lai kham geu mai deeh kaoh khaing krax yum mai nawh ah, “Yesux in pa sidiex aux ka pex mawh Khrit heue.”