MAKUX 13:6 - Wa Common Language Translation

⁶ Pui tom nie tak sang briex ti teei ceu kaux Aux mai hoek ah nin, Aux mawh Nawh heue. Tak pon pie lhen kieh pui lud tom nie heue.

MAKUX 13:6 Iomraidhean Croise

YERAMIX 14:14

Siyiex ah nin ka aux, cao jhai khankix krai lox jhai pie lhen ka daux ceu kaux Aux heue. Aux ang tie ploi kix hu mai ang tie tawm lox ka kix mai ang tie plak jhi ka kix, kix krai lox jhai pie lhen mai pa sibawk mai ceu pa giex going mai pie kheem ka daux rhawm kix heue.

MATHIEX 24:11

Cao jhai pa ang mawh meh tak sang lih koe tom nie mai tak jeeh nyaw ka pui tom nie heue.

MATHIEX 24:5

Kheu pui tom nie tak sang hoek mai ceu kaux Aux ah nin, Aux mawh Khrit heue. Tak kieh pui tom nie lud krax lawng tix heue.

MAKUX 13:22

Mawh kheu Khrit pa ang mawh ang meh mai cao jhai pa ang mawh ang meh khankix tak sang lih hoek mai tak sang jhi mhai ceu pa daox deng, sonsang pon pie lhen kieh lud, phan chix ka pui pa hoik laug Siyiex kawx heue.

MAKUX 13:5

Yesux ah nin ka kix, “Son ang pui sang pon pie lhen pex kieh lud, rien rhawm tix kah heue.

MAKUX 13:7

Yam tak sang mhong pex grawh grawng naing mai grawh grawng sang yuh naing, paw vi khi rhawm kah heue, ceu in tak sang mawh, viang mawh nan ang nyang bax mawh bawg yam sidah heue.

YOHAN 5:43

Aux hoek ka daux ceu kaux Keeing Aux pex ang rieb ti teei Aux, phan tang kaux hoek ka daux ceu kaux tokaux tix, pex tak sang rieb ti teei ka kaw an.

YOHAN 8:24

Mawh kheu nan Aux tom hoik krai ka pex, Pex tak yum ka daux phimap tix, grawh grawng nawh phan pex ang yum rhawm grawng mawh Aux Kaw an, pex tak sang yum ka daux phimap tix heue.”

YOHAN 8:28

Mawh kheu nan Yesux ah nin ka kix, “Khaix hoik yaog pex Kawn kawn pui, yam an pex tak sang tawng grawng Aux mawh Kaw an grawng pa ang Aux yuh alo tokaux tix, tix ceu kawx, Aux sidiex ngie ceu pa gau Keeing Cao ka Aux khankix khaing.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.