MAKUX 13:5 - Wa Common Language Translation

⁵ Yesux ah nin ka kix, “Son ang pui sang pon pie lhen pex kieh lud, rien rhawm tix kah heue.

MAKUX 13:5 Iomraidhean Croise

YERAMIX 29:8

Grawh grawng nawh, Siyiex Cao kru naing raoma, pa mawh Siyiex ceu pui Isarelax ah nin, paw doh kieh cao jhai pex mai cao sibawk pa ot ka daux sigreung pex khankix pon pie lhen ka pex mai paw doh nghiet paw yum rhawm ka grawng camaox pex pa kieh pex camaox khankix.

MAKUX 13:4

“Ceu in khankix tak sang mawh lai mawx? Yam tak sang dex mawh ceu in khankix, tak koe mhai pa yuh ka mawx? Krai ka ex liak.”

MAKUX 13:6

Pui tom nie tak sang briex ti teei ceu kaux Aux mai hoek ah nin, Aux mawh Nawh heue. Tak pon pie lhen kieh pui lud tom nie heue.

LUKAX 21:8

Nawh Cao deeh ah nin ka kix, “Kheu son ang pui sang pon thong kieh pex lud, rien rhawm tix kah heue. Mawh kheu pui tom nie tak sang brex ti teei ceu kaux Aux mai hoek ti ah nin, Aux mawh Nawh heue. Mai bawg yam hoik hoek heue. Pex paw hawt khaix kix.

1 KAWRINTHUX 15:33

Paw kieh pie ka tokaux tix, ceu pa yuh paox pie ka pa caox caig, chix kieh been pa yuh pa mhawm laux heue.

EFESUX 5:6

Paw kieh pui tix kaux kawx teei lox pa giex going mai pie lhen pex kah, mawh kheu mawh grawng ceu in khankix ceu pa song rhawm Siyiex hoek ka piang kawn praix pa ang cu nghiet khankix heue.

KAWLAWSIE 2:8

Rien rhawm tix ha kox sang koe pui tix kaux kaux pa sang nieb giex tix rhim pex, ka been nawh pie lhen pa ang koe bwanson, pa hawt been lox lao kawn pui, been haktiex pa ang grum naog, pa ang hawt Cao Khrit heue.

2 THESALONIX 2:3

Paw kieh pui tix kaux kawx pie lhen pex ka grawng tix ceu kawx, singaix an tak ang sang hoek, phan ceu pa deeh tieh deeh thui phao ka ang nyang bax hoek mai ka ang pui phimap pa mawh kawn simex pa laux leeing lih bleeh heue.

1 YOHAN 4:1

Pui pa moh aux khankix eue, paw vi yum rhawm ka can khuan pa koe khawmuik, viang mawh nan cheu ti yaox ka khuan khankix grawng mawh kix pa dex dawd mai Siyiex lie, ang dex dawd lie. Mawh kheu cao jhai pa ang mawh ang meh hoik lih hu ka daux haktiex tom nie heue.