MAKUX 13:27 - Wa Common Language Translation

²⁷ Yam an Nawh tak sang ploi kawncau Siyiex khankix hu khrawm pui pa hoik laug cie Nawh, khaing bhaung pon plak, jah dee sidah haktiex, tom hoek dee sidah raoma kudah dee heue.

MAKUX 13:27 Iomraidhean Croise

YAM JAH 49:10

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

ISAYAX 65:9

Aux tak viex doeh ru khankix lih khaing ceu pui Yakop mai khaing ceu pui Yudax, pa mawh cub pa pon sinngao grawng Aux khankix heue. Kix pui pa hoik laug Aux tak sang pon tix cie sinngao an mai siliex Aux tak yaox ti ot tan heue.

ZAKHARIX 2:6

“Kaoh heue, Kaoh heue, to ti lih hoek khaing haktiex plak blaong heue. “Siyiex ah nin heue. “Grawh grawng nawh, Aux hoik kieh pex prung prang awm bhaung pon plak daux raoma khankix heue. “Siyiex ah nan heue.

MATHIEX 12:42

Yax simiang caong ma seh, tak kaoh tau mai pui baux ju in yam prawng ca mai tak tang phimap ka in, kheu hoik hoek nawh khaing dee sidah haktiex ti nghiet gumlox pingnya cuyi simiang Sawlamon heue. Jhak heue, Kaw pa lheu ting khaing simiang Sawlamon ot tin heue.”

MATHIEX 13:41

Kawn kawn pui tak ploi kawncau raoma Nawh hoek khrawm ti teei ceu pa kieh mawh phimap mai pui pa yuh pa caox khankix lih khaing Meung Nawh heue.

MATHIEX 13:49

In tak mawh yam sidah haktiex heue. Kawncau raoma khankix tak hoek mai gwieh pa caox khaing sinax pa rahsee.

MATHIEX 24:22

Phan bawg yam singaix an khankix ang mawh singaix pa dawd, tix kaux kawx ang pon ti luan, viang mawh nan son pui pa hoik laug Siyiex tak mawh bawg yam singaix pa dawd heue.

MATHIEX 24:24

Khrit pa ang mawh meh khankix mai cao jhai pa ang mawh meh khankix tak sang lih hoek mai plak jhi mhai mai ceu pa daox deng ceu pa kied ting, sonsang pon nyaw glaw ka pui hu krax lud, phan chix tix, ka pui pa hoik laug Siyiex kawx heue.

MATHIEX 24:31

Nawh tak sang ploi kawncau raoma cie tix hu mai lox teet tawng pa kied ting kied luah mai kix tak sang khrawm pui pa hoik laug mawh cie Nawh, khaing pon plak, jah dee sidah daog raoma tix plak, tom sidah hoek daog raoma plak an heue.

MAKUX 13:20

Phan Simiang ang kieh bawg yam ngaix an khankix dawd, tix kaux kawx ang pon ti luan, viang mawh nan mawh kheu pui pa laug Siyiex, pa hoik laug Nawh, Nawh kieh ngaix an khankix dawd heue.

MAKUX 13:22

Mawh kheu Khrit pa ang mawh ang meh mai cao jhai pa ang mawh ang meh khankix tak sang lih hoek mai tak sang jhi mhai ceu pa daox deng, sonsang pon pie lhen kieh lud, phan chix ka pui pa hoik laug Siyiex kawx heue.

MAKUX 13:28

“Gau ka khaox ruh grawng lox tiag nawh. Yam awn kak nawh mai lih lhax, pex tawng bawg yam raux dex sang hoek,

LUKAX 16:22

Yam an tix ngaix pui hot an yum mai kawncau Siyiex khankix, teei nawh hu deuh nawh ka daux naok Abraham heue. Caomi an kawx yum mai sipaung nawh heue.

LUKAX 18:7

Siyiex tak ang prawng, ang yuh plak pui pa hoik laug Nawh ti teei, pa kok ka Nawh yam pon singaix mai yam pon sawm, viang ang Nawh khran yuh kawx lie?

YOHAN 10:16

Aux kawn koe yung pa ang neuex daux kawg yung in, Aux tak viex kix hoek, kix tak nghiet ka lox Aux, tak sang mawh yung tix cub, cao liang yung tix kaux khaing.

YOHAN 11:52

Ang joeng mawh ngie son pui ceu an, viang mawh nan mawh sonsang deeh khrawm kawn Siyiex khankix pa hoik prung prang ku dah dee kieh mawh tix mu khaing.

ROMAX 8:33

Mawx pa sang chix deuh phimap ka pui pa hoik laug Siyiex ti teei? Mawh Siyiex pa kieh rahsee heue.

PINGNYAP 30:4

Phan pui maix tix kaux kaux mawh pa hoik grheu ti tik ka dee pa kied singai khaing greem raoma, Simiang Siyiex maix tak deeh khrawm maix hoek khaing tan,

KAWLAWSIE 3:12

Awm pui pa hoik laug Simiang Siyiex, pa singax singeh, pa moh kah, pex ceep ceu pa moh rhawm, pa caux rhawm, pa mhawm rhawm, pa tiem rhawm tiem rhi, pa awn rhawm awn rhi, pa lang gun lang yeung heue.

2 THESALONIX 2:1

Puxaik khankix eue, ex khyox khaw ka pex grawng pa dex mai pa sang hoek Simiang ex Yesux Khrit, grawng pa sang krawk khrawm ex tau ka Nawh Cao,

2 TIMOSE 2:10

Aux tom kham geu ku ceu khawmuik, son pui pa hoik laug khankix, yuh ka mawx kix kawx, sang pon krax taoh pa koe ka daux Yesux Khrit tau mai min pakngai leeing ju heue.

1 PETRUX 1:2

pa hoik laug awm pa khaw mai pa grux tawng Siyiex Keeing Cao sonsang kieh singax singeh ka daux Khuan Cao, sonsang koe krax cu nghiet mai pa phruah ka nham Yesux Khrit heue. Kieh bwanson mai pa nhim baox thiem thie ka pex liak awx.