MAKUX 13:22 - Wa Common Language Translation

²² Mawh kheu Khrit pa ang mawh ang meh mai cao jhai pa ang mawh ang meh khankix tak sang lih hoek mai tak sang jhi mhai ceu pa daox deng, sonsang pon pie lhen kieh lud, phan chix ka pui pa hoik laug Siyiex kawx heue.

MAKUX 13:22 Iomraidhean Croise

MATHIEX 24:24

Khrit pa ang mawh meh khankix mai cao jhai pa ang mawh meh khankix tak sang lih hoek mai plak jhi mhai mai ceu pa daox deng ceu pa kied ting, sonsang pon nyaw glaw ka pui hu krax lud, phan chix tix, ka pui pa hoik laug Siyiex kawx heue.

MATHIEX 7:15

“Rien rhawm tix ka cao jhai pa ang mawh meh khankix, pa ceep hak yung plak piang, viang mawh nan ka plak daux mawh soxla pa caox heue.

MAKUX 13:21

Yam an phan pui tix kaux kaux ah nin ka pex, Jhak heue, Khrit ot tin, phan ang mawh nan, ot tan, paw vi yum rhawm kah.

MAKUX 13:23

Viang mawh nan pex rien rhawm tix, jhak heue, Aux hoik grux krai ka pex grawng kuceu sivoe ka sang mawh heue.”

MAKUX 13:6

Pui tom nie tak sang briex ti teei ceu kaux Aux mai hoek ah nin, Aux mawh Nawh heue. Tak pon pie lhen kieh pui lud tom nie heue.

YOHAN 4:48

Mawh kheu nan Yesux ah nin ka nawh, “Phan maix ang yaox mhai ceu pa daox am khankix maix ang tau ti yum rhawm kah”

PINGNYAP 13:1

“Phan cao jhai tix kaux kaux lih khaing daux sinax pex, pa chix krai dee bleeh camaox mai mhai rug pa daox deng ang ah,

2 TIMOSE 2:19

Viang mawh nan jaong num Siyiex kaux cong, pa koe cum yuh nin, “Simiang Siyiex tawng kix pa mawh cie tix,” mai khawm pa ah, “Kieh pa kok ka ceu kaux Simiang Siyiex ku kaux daux pui lih hu khaing pa ang rahsee heue.”

1 YOHAN 2:18

Kawn nyawm iak khankix eue, bawg yam in hoik mawh bawg yam nari sidah heue. Awm hoik mhong pex grawng sang hoek antikhrit, viang mawh yam in kawx antikhrit hoik lih koe tom nie, mawh kheu nan ex tom tawng hoik mawh bawg yam nari sidah heue.

1 YOHAN 2:19

Kix hoik lih hu khaing ex, viang mawh nan kix ang dex dawd mai ex, grawh grawng nawh phan kix hoik dex dawd mai ex, kix tak kawn ot tau mai ex heue. Viang mawh nan kix hoik lih hu, sonsang sidawng grawng kix khawmuik ang dex dawd mai ex heue.

1 YOHAN 2:26

Aux hoik tiiem ceu in khankix ka pex, grawh grawng kix pa sang thong ti kieh pex lud heue.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 17:8

Totiag pa hoik yaox maix an, hoik mawh, mai ang lai mawh, dex sang lih hoek khaing daux, daux pa ang koe dee die mai hu ka daux pa laux pa laux leeing heue. Pui pa ot ka piang haktiex khankix, pa mawh kix pa ang lai tiiem ti deuh ka ceu kaux kix, tom yam jah ti kaw haktiex, ka daux phuk lai pa im ju, yam yaox kix ka totiag an pa hoik mawh mai pa ang lai mawh mai pa tak sang hoek khaix, tak sang daox deng ka heue.