MAKUX 13:19 - Wa Common Language Translation

¹⁹ Mawh kheu yam an tak sang koe pa kha rhawm, ceu pa ang sax koe, tom yam jah Siyiex ti vah ma la rawm, sidah hoek bawg yam in mai khaix an kawx tak ang lai baox koe heue.

MAKUX 13:19 Iomraidhean Croise

YIIEM DOE 1:12

Pex khawmuik pa tiang ti hu hawt baoh an khankix eue, mawh ang an saux ka rhawm pex lie? Jhak ti yaox liak! ceu pa awm krax pa laux rhawm lauxrhi aux koe ang koe lie? Ka pa hoik dawg hoek ka piang aux mai ka pa kieh Siyiex aux kha rhawm tix, ka daux singaix kied song rhawm song rhi Nawh Cao heue.

YIIEM DOE 2:13

Kawn bun veng Yerusaliem eue, Aux sang tiag maix ka mhai patix lie? Aux tak sang tiag maix mai pui mawx lie? Kawn bunkrih veng Zion eue, Aux tak sang tiag maix ka ceu patix, sonsang pon tawx aux krax pa nyawm rhawm ka maix lie? Grawh grawng nawh, krax laux leeing maix mawh pa kied ting awm rawm sigrit sigra, mawh pui mawx pa pon pai maix lie?

YIIEM DOE 4:6

Kheu jao pa lud kawn bun pui aux khankix, mawh pa nie lheu ting khaing krax kham geu phimap veng Sawdom,pa hoik yuh laux leeing ka daux tivud khaing mai pa ang pui mawx tawx taix tix ka nawh heue.

DANYELAX 12:1

Ka daux bawg yam an, simiang ting Mikhelax, pa pau pui maix tak sang yaog ti kaoh cung, mai bawg yam pa kha rhawm tak sang koe pa mawh ceu pa ang sax koe jah tom kaw haktiex tix koe tom hoek ka daux bawg yam in, can pui maix khankix pa hoik koe ceu kaux ka daux phuk lai tak sang hoek krax taoh heue.

DANYELAX 9:12

Nawh Cao hoik sidah yuh gumlox pa hoik krai Nawh ti deuh ka ex mai ka cao prawng see, pa kwang piang ex khankix, ka daux krax pa kieh ceu pa laux leeing pa ting hoek piang ex heue. Grawh grawng nawh, ceu pa awm an ang sax mawh pa yuh tix ka greem raoma khawmuik, awm krax ceu pa hoik yuh tix ka veng Yerusaliem heue.

DANYELAX 9:26

Khaix hoik luan daux tixgliah ra aliah bawg, kaw pa hoik kham krax groi rawm bee an tak sang kham krax pah ti yum tom ang lai koe tidtix mai simiang pui khankix pa tak sang bleeh ti hoek, tak yuh veng mai dee pa singax singeh an khankix laux leeing heue. Dee sidah tak sang awm krax pa kheem rawm, mai tak koe naing tom hoek dee sidah mai krax laux leeing khankix mawh pa hoik tat tix heue.

YOLAX 2:2

Singaix pa faik uik mai singaix ceep paiawm mai singaix kied ceep pa faik, awm ceep simawg plak ponngawb piang gawng khankix heue. Ceu pui pa ting lhaong mai pa kied ting riang rao tak sang bleeh ti hoek, mawh cub pui pa ang sax koe glang ka in mai khaix in kawx ang lai koe tom sidah ku ju leeing ju heue.

MATHIEX 24:21

Mawh kheu yam an, tak sang koe pa kied kha rhawm, ceu pa ang sax koe, tom yam jah ti kaw haktiex dix, tom sidah hoek bawg yam in mai khaix an kawx tak ang lai baox koe heue.

MAKUX 10:6

Tom yam jah vah ma la rawm dix, Siyiex yuh simex mai bun heue.

MAKUX 13:18

Pex rawg bwan son bawg yam an, son ang caw yam kwat heue.

MAKUX 13:20

Phan Simiang ang kieh bawg yam ngaix an khankix dawd, tix kaux kawx ang pon ti luan, viang mawh nan mawh kheu pui pa laug Siyiex, pa hoik laug Nawh, Nawh kieh ngaix an khankix dawd heue.

PINGNYAP 28:59

Simiang Siyiex tak viex jhawm saux preng pa lang teung, pa daox deng, jhawm saux preng pa kied rheung, jhawm saux pa nie lheu kin mai pa kied rheung bawg yam hoek piang maix mai piang doeh ru maix khankix.

PINGNYAP 4:32

Mawh kheu nan, yam in chawk pex yaox grawng singaix pa hoik luan, pa hoik koe sivoe pex, jah ka singaix hoik phan Siyiex kawn pui piang haktiex mai chawk khaing caong ma seh, tom hoek ka caong ma laong, hoik sax koe grawng pa ting lhaong awm in phan ang mawh nan, hoik sax mhong pex grawng ceu in lie?

PLAK JHI 7:14

Aux deeh ah nin ka nawh, “Simiang aux eue, Maix tawng heue.” Nawh baox ah nin ka aux, “Pui inkix mawh kix pa hoik daoh khaing daux krax kha rhawm pa ting an mai kix hoik sigrhah kraung ceep kix mai kieh paing ka daux nham kawn Yung heue.