MAKUX 13:11 - Wa Common Language Translation

¹¹ Yam tok kix ti tawx pex hu dee prawng ca, paw khi rhawm ka grawng lox pa sang ah sang krai pex phao ka, viang mawh nan, lox pa sang tawx ka pex daux bawg yam nari an, pex krai pex ah lox an, mawh kheu ang mawh pex pa krai pa ah, mawh Khuan Singax Singeh heue.

MAKUX 13:11 Iomraidhean Croise

2 SAMOELAX 23:2

Khwan Simiang Siyiex ah nin ka aux mai gumlox Nawh Cao, hoik koe piang dak aux.

ISAYAX 50:4

Siyiex pa mawh Siyiex hoik tawx dak pa chix gau chix sawn ka Aux, sonsang tawng Aux ti chix sikah gumlox pa teem ka pui pa koe krax taug mao heue. Nawh so Aux ku ngawb, Nawh so yhaok Aux, sonsang chix mhong, awm pui pa gau lai heue.

MATHIEX 10:17

Rien rhawm tix ka pui, kheu kix tak teei pex tawx ka cub kuad song cao prawng see khankix mai kix tak sivied pex daux nyiex dee sidiex kix khankix heue.

MAKUX 13:12

Puxaik tix kaux lai tix kaux tak sang teei ti tawx puxaik tix, sonsang pah yum mai keeing kawx tak teei ti tawx kawn tix mai kawn praix khankix kawx tak kaoh ti yuh ka miex keeing tix mai kieh pah kix yum heue.

MAKUX 13:9

Rien rhawm tix kah, kheu kix tak tawx pex ka cub kuad song cao prawng ca khankix mai tak sang sivied pex ka daux nyiex dee sidiex khankix mai pex tak sang cung sivoe cao giex kaing haktiex mai simiang khankix, son Aux, sonsang mawh mhai rug ka kix heue.

LUKAX 21:12

Viang mawh nan, ka sivoe ceu in khawmuik, kix tak sang giex pex ka taix tix, tak sang tuktieak tukte pex, tawx pex ka nyiex sidiex khankix mai sau pex daux thawng, viex pex sivoe simiang khankix mai cao giex kaing haktiex khankix, kheu ceu kaux Aux heue.

YOHAN 3:27

Yohan baox pawk lox ah nin, “Pui ang chix pon tix ceu kawx phan ang mawh pa tawx Siyiex ka nawh.

KAWNCAU 2:4

Kix khawmuik naog ka Khuan Singax Singeh mai jah ti sikah ka daux lox tang ceu khankix, awm pa tawx Khuan kix ah heue.

KAWNCAU 3:13

Siyiex Abraham, Icak mai Yakop. Siyiex tax du ex, hoik yaog min pakngai Kawn Nawh Yesux, pa teei pex ti tawx mai thiang ti tik sivoe Pilat, yam nawh keud ti sang ploi Nawh Cao heue.

KAWNCAU 4:31

Khaix hoik rawg kix bwan, dee khrawm kix paox tix yung yiang mai kix khawmuik naog ka Khuan Singax Singeh mai kix kwa ti sidiex gumlox Siyiex heue.

KAWNCAU 6:10

Kix ang pon tieb tie ka pingnya cuyi pa krai pa sidiex nawh ka daux Khuan Cao heue.

KAWNCAU 6:15

Pui pa ngawm ka daux cub kuad song pa prawng see khawmuik, jeung ngai tix ka nawh mai yaox pakngai nawh awm hoik mawh pakngai pakbaox kawncau Siyiex heue.

KAWNCAU 7:55

Viang mawh nan nawh naog ka Khuan Singax Singeh mai jawg ti maong ka raoma mai yaox min plakngai Siyiex mai yaox Yesux cung plak tai khawn dawm Siyiex,

1 KAWRINTHUX 2:13

Ang ex krai grawh grawng ceu an khankix ka lox pingnya pa gau kawn pui, viang mawh nan krai ka lox pa gau Khuan Cao mai krai dee bleeh ceu pa dex mai Khuan, ka lox pa dex mai Khuan heue.

EFESUX 3:5

ceu pa ang sax kieh tawng ka Kawn kawn pui daux ju pa hoik luan khankix, awm Khuan Cao hoik plak kieh yaox yam in ka kawncau pa ting mai cao jhai pa singax singeh cie Nawh khankix,

YAKOP 1:5

Phan pex tix kaux kaux kawn taik kawn cud pingnya, kieh nawh rawg ka Siyiex, pa koe rhawm sibieh ti tawx ka pui khawmuik mai pa ang chix map mai tak sang tawx ka nawh heue.

1 PETRUX 1:12

Hoik plak kieh kix tawng grawh grawng pa yuh kix ang mawh son tokaux tix, viang mawh nan mawh son pex, yam grux krai kix grawh grawng ceu pa hoik krai sidawng ka pex yam in, ka pui pa hoik sidiex gau lox bwan gaux rhawm ka pex, ka daux pa teem Khuan Cao pa hoik ploi lih khaing raoma heue. Grawh grawng ceu an khankix kawncau Siyiex mie ti jhak mai tawng heue.