MAKUX 12:6 - Wa Common Language Translation

⁶ Nawh kawn koe kawn pa moh tix kaux khaing mai nawh baox ghoik ti ploi kawn tix hu ka kix ah nin, kix tak yungyi ka kawn aux heue.

MAKUX 12:6 Iomraidhean Croise

YAM JAH 22:12

Nawh cao ah nin, “Maix paw teeh ka kawn maix mai paw yuh tix ceu kawx ka nawh, grawh grawng nawh, yam in Aux hoik tawng lhat maix ka Siyiex mai Aux hoik yaox ang maix thiang pa mhaing Aux kawn simex maix tix kaux son Aux heue.”

YAM JAH 22:2

Nawh Cao ah nin, “Teei kawn simex maix Icak, pa kied moh maix, pa koe tix kaux khaing mai hu ka haktiex Mawrix, yuh krax tan pa gleeing ka ngu son Aux piang gawng pa sang jhi Aux maix yaox heue.”

YAM JAH 37:3

Yam in Isarelax kied moh ka Yosiep khaing kawn nawh khankix, kheu mawh nawh kawn simex pa pon nawh yam kuad riex ju tix mai caing nawh ceep kraung sibex pa mhawm grang pa shiang ka rawm rawn kuceu heue.

YAM JAH 44:20

Yix deeh ah nin, “Yix koe keeing pa hoik kuad mai pux ghoik pa iak tix kaux, pa pon nawh yam riex ju ti, puxke nawh hoik yum, pa keh khaing miex nawh, mawh ngie nawh pa deuk khaing, keeing nawh kied moh ka nawh heue.

YAOGYAW 2:12

Ngeet ka kawn Cao, phan ang yuh nan, Nawh tak song rhawm mai maix tak hoek krax laux leeing heue. Pui pa een rawm ka Nawh Cao pon bwanson heue.

YAOGYAW 2:7

“Aux tak sang krai lox pa hoik krai Siyiex ka pui khankix, “Maix mawh kawn simex Aux, Aux hoik kieh maix keh daux in singaix heue.

ISAYAX 42:1

Jhak ka kawncau Aux, pa yaog Aux kah, pa mawh pui laug Aux, pui pa khaw rhawm Aux, Aux hoik deuh khwan tix ka piang nawh, nawh tak viex pa rahsee hoek ka pui kuceu.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

MATHIEX 11:27

Keeing Aux hoik ap khawmuik ka Aux mai pui tix kaux kawx ang tawng ka Kawn Cao lheu khaing Keeing Cao mai pui tix kaux kawx ang tawng ka Keeing Cao lheu khaing Kawn Cao mai kaw pa laug kawn Cao ti plak jhi ka nawh heue.

MATHIEX 17:5

Yam kawn sikah nawh, dom mawx dom an paiawm pa riang hoek ti kheem veei piang kix mai jhak heue, lox lih khaing daux paiawm an ah nin, “In mawh Kawn pa moh Aux, pa khaw caw rhawm Aux heue, nghiet ka Nawh heue.”

MATHIEX 26:63

Viang mawh nan, Yesux ang nye kah, cao giex kaing li pa ting an baox ah nin ka Nawh Cao, “Aux chawk ka Maix ka daux ceu kaux Siyiex pa im ju, krai yix mhong mawh Maix Khrit, Kawn Siyiex lie, ang mawh lie?”

MATHIEX 3:17

Jhak heue, lox lih khaing raoma ah nin, “In mawh Kawn pa moh Aux, pa khaw caw ka rhawm Aux heue.”

MAKUX 1:11

Lox lih khaing raoma ah nin, “Maix mawh kawn pa moh Aux, pa khaw caw rhawm Aux heue.”

MAKUX 12:5

Nawh baox ploi kawncau tang kaux mai kix teei nawh yum. Nawh baox ploi kawncau tang kaux tom nie mai kix tap tix blah mai teei yum tix blah heue.

MAKUX 12:7

Viang mawh nan pui pa yuh sipeem an khankix, ah nin ka paox tix, kaw in mawh cao sin. Hoek heue, ex teei nawh yum mai sin nawh tak mawh cie ex heue.

MAKUX 9:7

Paiawm hoek ti kheem veei kix, lox lih khaing paiawm an ah nin, “In mawh Kawn pa moh Aux heue, nghiet ka Nawh awx.”

LUKAX 3:22

mai Khuan Singax Singeh lih ka daux riang tokaux, pa awm sikaux, ka piang Nawh mai lox lih khaing raoma, “Maix mawh Kawn pa moh Aux, pa khaw caw rhawm Aux heue.

LUKAX 9:35

Lox lih khaing daux pai awm an, ah nin, “In mawh Kawn Aux, pa laug Aux, pex cu nghiet ka Nawh awx.”

YOHAN 1:14

Gumlox an hoik lih mawh Nex mai ot sinax ex, ex pon yaox min pakngai Nawh, pa awm min pakngai kawn Keeing Cao tix kaux khaing, pa naog bwanson pa mawh meh heue.

YOHAN 1:18

Yam mawx ang ah, pui ang sax yaox Siyiex tix kaux kawx. Mawh Kawn Cao tix kaux khaing pa ot piang naok Keeing Cao, mawh pa hoik plak jhi kieh tawng Nawh heue.

YOHAN 1:34

“Ceu in aux hoik yaox mai aux kham mhai rug grawng mawh Nawh Kawn Siyiex heue.”

YOHAN 1:49

Nasanilax baox pawk lox ah nin ka Nawh, “Rabi eue, Maix mawh Kawn Siyiex, Simiang pui Isarelax heue.”

YOHAN 3:35

Keeing Cao moh ka Kawn Cao hoik tawx kuceu khawmuik ka daux tawm taix Nawh heue.

YOHAN 5:23

Kheu son kawn pui khawmuik sang yungyi ka Kawn Cao, awm yungyi kix ka Keeing Cao. Kaw pa ang yungyi ka Kawn Cao, ang yungyi ka Keeing Cao pa ploi Nawh hoek heue.

HEBRIE 1:6

Nawh Cao baox deeh ah nin ka grawng yam sang deeh viex Kawn Ai tix hoek ka piang haktiex, “Kieh kawncau Siyiex khawmuik krub ka Nawh heue.”

1 YOHAN 4:9

Krax moh krax rhawm Siyiex ka ex hoik plak kieh sidawng, ka daux pa ploi Nawh Kawn tix pa koe tix kaux khaing hoek ka daux haktiex, sonsang pon ex tix im ju kheu Nawh heue.

3 YOHAN 1:1

Kaw pa riex ju tiiem ti tawx ka Kayux, pa moh pa rhawm aux ka tete heue.