MAKUX 12:40 - Wa Common Language Translation

⁴⁰ Kix mawh pa chix rud ti ih nyiex miexmai khankix mai sonsang chix pie lhen kix rawg bwan tom lang. Kix tak nie pon krax prawng ciyang pa ting heue.”

MAKUX 12:40 Iomraidhean Croise

YEZAKELAX 22:25

Cub cao kaing pa ot sigreung haktiex an khankix riag yo awm sivai sangsi pa kiied ti ih totiag, kix ih kawn pui, kix hoik rhim ti teei sinngao mai kraung khrai pa ting ngawh, kix kieh miexmai koe tom nie ka daux sigreung haktiex an heue.

MIKHA 2:2

Kix ghoing ka ma kaung khankix mai khin rhim ti teei, ghoing ka nyiex ma khankix mai kix hoik rhim tix heue. Kix yuh krax kha rhawm ka pui mai khawm paox nyiex nawh mai khawm ka kraung khrai sinngao nyiex ma nawh heue.

MATHIEX 23:13

“Pui tiiem lai mai Pharishie, pui pa pie lhen khankix eue, pex tak kha rhawm, mawh kheu nyeep pex meung raoma sivoe kawn pui heue. Kheu tokaux pex kawx ang laig ka pui pa mie ti laig khankix kawx pex ang tawx akhwang khankix heue.

MATHIEX 23:14

Pui tiiem lai mai Pharishie pui pie lhen khankix eue, pex tak kha rhawm, kheu pex rud ti ih nyiex miexmai khankix mai yuh grang tix mai kieh lox rawg bwan tix lang, mawh kheu nan pex tak nie pon krax prawng ciyang pa ting heue.

MATHIEX 23:33

Pex pa mawh siuing, pa mawh ru siuing pa cai eue, pex sang pon ti luan khaing krax ciyang mawnarhok yuh ka mawx?

MATHIEX 6:7

Yam rawg pex bwan, paw deeh krai lox giex going awm pui tang ceu, kheu ce kix tak mhong lox kix, kheu lox pa rawg kix tom nie heue.

MAKUX 12:39

Kix moh dee ngawm pa mhawm khaing paox tix, daux nyiex sidiex khankix mai dee mhawm khaing paox tix dee yuh pawie khankix heue.

LUKAX 20:47

Kix chix rud ti ih nyiex miexmai khankix mai sonsang chix pie lhen, kix rawg bwan tom lang, kix tak nie pon krax prawng ciyang pa ting heue.”

2 KAWRINTHUX 11:20

Grawh grawng nawh pex chix yeung ka pui, viang nawh kieh pex mawh siliex ang ah, viang nawh ih mai pex ang ah, viang nawh giex gang pex ang ah, viang nawh yaog tokaux ti ting ang ah, viang nawh simang pakngai pex ang ah heue.

2 TIMOSE 3:6

Inkix mawh pa laig daux nyiex khankix miep miep, giex ka bun daox khankix, pa peeh phimap, pa tuk hu alo nex nham ka ku ceu heue.