MAKUX 12:33 - Wa Common Language Translation

³³ Pa moh Nawh khawm rhawm khawm rhi khawmuik mai pa chix tawng khawmuik mai khawm riang rao khawmuik mai pa moh paox plawg paox nyhawm tix awm moh tokaux tix, nie lheu khaing pa tan khawmuik, pa gleeing ka ngu heue.”

MAKUX 12:33 Iomraidhean Croise

YAOGYAW 50:23

Pui pa tan lu mai pa yaogyaw ka bwanson Aux mawh pui pa kieh min plakngai Aux sidawng heue. Daux krax pa keud pa hu nawh kawx, Aux tak plak jhi bwanson Siyiex Cao pa taoh heue.

LOX KAB 21:3

Siyiex khaw rhawm ka pa yuh ceu pa rahsee mai pa prawng ca rahsee, nie lheu khaw rhawm khaing ceu pa tan heue.

HOSE 6:6

Aux khaw rhawm ka krax pa caux rhawm mai ang khaw rhawm ka krax tan pa appong mai khaw rhawm ka daux krax tawng yung ka Siyiex, lheu khaing krax tan pa gleeing khankix heue.

MATHIEX 12:7

Phan pex hoik tawng dee bleeh lox in, Aux moh krax caux rhawm mai ang moh krax tan, pex ang khaw ti tang phimap ka pui pa ang koe dee lud.

MATHIEX 9:13

Pex hu mai gau dee bleeh lox in, Aux moh krax caux rhawm mai ang moh ceu pa tan. Kheu hoek Aux sonsang kok pui rahsee khankix ang mawh, hoek ti kok pui pa koe map lud khankix heue.”

PINGNYAP 6:5

maix tak moh ka Simiang Siyiex maix khawm rhawm tix tau mai khawm ju tix mai khawm riang rao tix khawmuik.

HEBRIE 10:8

Awm pa hoik ah phao ka nux, “Ka ceu pa tan ka ceu pa gleeing ti tan khawm kaux mai ceu pa tan son phimap, Maix ang lai simie mai ang khaw rhawm kah heue.” Ceu an khankix mawh pa tan awm pa khaw mai lox lai beenli.

1 SAMOELAX 15:22

Samoelax ah nin, “Mawh pa khaw rhawm Simiang Siyiex ka krax tan pa gleeing mai krax tan pa appong khaing pa cu nghiet ka lox Simiang Siyiex lie? Jhak heue, krax cu nghiet nie lheu mhawm khaing krax pa appong mai pa nghiet nie lheu mhawm khaing khlawp bee yung mhaing.