MAKUX 12:28 - Wa Common Language Translation

²⁸ Pui tiiem lai tix kaux hoek mai mhong lox pa chawk kix ka paox tix mai nawh tawng grawng Nawh Cao hoik pawk lox ka kix mhawm mhawm mai chawk Nawh Cao ah nin, “Lox pingnyap pa yuh ka mawx lheu ting khaing paox tix khawmuik?”

MAKUX 12:28 Iomraidhean Croise

MATHIEX 19:18

Kaw an baox ah nin ka Nawh Cao, “Pingnyap pa yuh ka mawx?” Yesux ah nin, “Paw pah pui yum, paw lut vao, paw briex mai paw kham mhai rug pa ang mawh ang meh,

MATHIEX 23:23

Pui tiiem lai mai Pharishie, pui pa pie lhen khankix eue, pex tak kha rhawm heue, kheu pex tan, taux pak haw, taux ki, taux ki la, kao son tix son, viang mawh nan pex ang yuh grawng pa ting pa koe daux lox lai beenli, pa rahsee, pa khaw caw, pa caux rhawm mai pa kaux sijax khankix heue. Pex khaw ti yuh tang ceu an khankix mai ceu in khankix kawx khaw ti yuh heue.

MATHIEX 5:19

Mawh kheu nan pui mawx ang ah phan nawh lheu gumlox tawm ceu in pa iak khaing paox tix mai gau pui tang kaux yuh nan, tak kok mawh pa nie iak khaing paox tix ka daux meung raoma. Viang mawh nan, pui mawx ang ah phan nawh hawt yuh mai gau pui tang kaux yuh, tak sang kok nawh mawh pa ting ka daux Meung Raoma.

MAKUX 9:14

Yam hoek kix ka kawncau Nawh khankix, kix yaox cub pui hun ot sivie kix tan, pui tiiem lai khankix chawk lox ka kix tan heue.

LUKAX 11:42

“Viang mawh nan, Pharishie khankix eue, pex tak kha rhawm, kheu pex tan taux lhax sioe mai sidah sidim kuceu, kao son tix son mai ang pex keud grawng pa prawng ca mai krax moh krax rhawm Siyiex. Viang mawh ceu in khankix kawx pex khaw ti yuh mai ang khaw ti grham ti ang yuh tang ceu an khankix heue.

LUKAX 20:39

Pui tiiem lai tix blah deeh ah nin, “Sara Cao Gau eue, caw, mhawm pa ah Maix heue.”