MAKUX 11:23 - Wa Common Language Translation

²³ Aux krai lox tete ka pex, pui mawx ang ah pa ah ka gawng in, Gah dee ot maix mai rau ka daux rawm sigrit sigra heue, ang koe krax yum rhawm, viang mawh nan phan nawh yum rhawm grawng pa hoik ah nawh, tak mawh son nawh heue.

MAKUX 11:23 Iomraidhean Croise

YAOGYAW 37:4

Gaux rhawm ka daux Siyiex awx, phan yuh nan, Nawh tak sang tawx pa grum naog awm pa lo daux rhawm maix khawmuik heue.

MATHIEX 14:13

Yam mhong Yesux ka grawng an, Nawh Cao lih khaing tan, laig ka daux reu mai hu daux tiag dee ang pui ot, yam mhong pui hun khankix ka grawng in, kix lih khaing daux veng khankix mai hawt khaix Nawh Cao ka caong tix heue.

MATHIEX 17:20

Nawh Cao deeh pawk lox ah nin ka kix, “Mawh kheu iak krax yum rhawm pex heue. Aux krai lox tete ka pex, phan pex koe krax yum rhawm pon mu simie sok taux klaox tix mu, pex tak ah ka gawng in, gah maix hu khaing tin ka dee an mai nawh tak gah tix heue. Pa ang pex chix yuh tak ang koe tix ceu kawx heue.

MATHIEX 21:21

Yesux pawk lox ah nin ka kix, “Aux krai lox tete ka pex, phan pex koe krax yum rhawm, pa ang sang tang rhawm, pex tak ang joeng pon yuh pa hoik yuh ka khaox ruh in khaing, phan pex ah ka gawng in kawx, gah dee ot maix mai rau ka daux rawm sigrit sigra, tak sang mawh awm ah pex heue.

LUKAX 17:6

Simiang deeh ah nin, “Phan pex koe krax yum rhawm pon ding mu simie sok taux klaox tix mu, pex ah ka khaox liah in, maix reeig khawm riah tix mai hu jung ka daux rawm sigrit sigra heue. Khaox an tak nghiet lox pex heue.

YOHAN 14:13

Pex sang rawg sang mhaing ceu patix ang ah, ka daux ceu kaux Aux, Aux tak sang yuh heue, yuh ka mawx sonsang koe min pakngai Keeing Cao, ka daux Kawn Cao heue.

YOHAN 15:7

Phan pex ot ka daux Aux mai gumlox Aux ot ka daux pex, pex simie ti rawg ceu patix ang ah, rawg heue. Tak sang yuh son pex.

1 KAWRINTHUX 13:2

Viang aux koe totaix pa chix krai lox jhai mai tawng ka pa raux pa mox khawmuik mai ka krax tawng khawmuik kawx mai viang aux koe krax yum rhawm ti sang chix gah ka gawng khankix kawx, phan ang koe krax moh krax rhawm, aux mawh pa ang koe bwanson tidtix heue.