MAKUX 11:17 - Wa Common Language Translation

¹⁷ Nawh Cao sidiex gau ah nin ka kix, “Hoik tiiem ti deuh ah nin, Nyiex Aux tak kok mawh nyiex dee rawg pui kuceu bwan, ang mawh lie? Viang mawh nan pex hoik kieh mawh dee ot pui tud rhim heue.”

MAKUX 11:17 Iomraidhean Croise

ISAYAX 56:7

Aux tak viex kix hoek ka gawng pa singax Aux mai kieh kix koe krax gaux rhawm ka pa rawg bwan ka daux nyiex Aux. Krax tan pa gleeing kix mai krax tan pa appong kix khankix, tak mawh pa pon krax rieb ti teei ka piang khu dee tan Aux heue. Grawh grawng nawh, nyiex Aux tak kok mawh, nyiex dee rawg bwan son ceu pui khawmuik heue.

ISAYAX 60:7

Cub phung yung haktiex Kadax khawmuik, tak mawh pa kraix khrawm ti hoek ka maix, kawn yung mhaing haktiex Nabayok khankix, tak tawx maix shiao heue. Kix tak haok tau mai pa hoik rieb ti teei ka piang khu dee tan Aux mai Aux tak yaog min pakngai nyiex pa koe min pakngai Aux heue.

YERAMIX 7:11

Mawh kheu kieh pex nyiex bwan in, pa hoik kok tix ka min ceu kaux Aux, lih mawh dee ot pui tud rhim ka daux ngai tix lie?” Siyiex ah nin, “Tokaux Aux kawx, hoik yaox ka ceu an heue.”

HOSE 12:7

Epharem mawh pui pa yuh lai geu mai jiang pie kheem koe ka daux taix nawh, nawh moh ti yuh krax gut kheem heue.

MAKUX 11:16

Nawh Cao ang cu ti kieh pui tix kaux kawx, viex kraung tidtix hu preeng daux nyiex bwan.

LUKAX 19:46

ah nin ka kix, “Hoik tiiem ti deuh ah nin, nyiex Aux tak mawh nyiex rawg bwan, viang mawh nan pex hoik kieh mawh dee ot pui tud rhim heue.”

YOHAN 2:14

Nawh Cao yaox pui pa coh mawie, yung, sikaux mai pui pa loh mau ngawm ti coh ka daux nyiex bwan tan heue.

YOHAN 2:16

Nawh ah nin ka pui pa coh sikaux khankix, “Teei ceu in lih heue, paw kieh nyiex Keeing Aux mawh dee coh kraung”