MAKUX 10:45 - Wa Common Language Translation

⁴⁵ Grawh grawng nawh, Kawn kawn pui kawx, hoek sonsang kieh pui yuh son Nawh ang mawh. Viang mawh nan hoek sonsang yuh son pui mai tawx ju tokaux tix, sonsang taoh pui tom nie heue.”

MAKUX 10:45 Iomraidhean Croise

DANYELAX 9:24

Bawg yam atixgliah aliah bawg mawh pa hoik tat tix son pui maix khankix mai son veng pa singax singeh maix, sonsang naox yuh ti krax lud, sonsang sidah yuh phimap, sonsang yuh krax taoh son phimap, sonsang laig daux krax pa rahsee leeing ju, sonsang tawk ti deuh cum ka grawng riang susai an mai lox jhai an kix mai sonsang groi tix rawm bee ka dee pa kied singax singeh an heue.

DANYELAX 9:26

Khaix hoik luan daux tixgliah ra aliah bawg, kaw pa hoik kham krax groi rawm bee an tak sang kham krax pah ti yum tom ang lai koe tidtix mai simiang pui khankix pa tak sang bleeh ti hoek, tak yuh veng mai dee pa singax singeh an khankix laux leeing heue. Dee sidah tak sang awm krax pa kheem rawm, mai tak koe naing tom hoek dee sidah mai krax laux leeing khankix mawh pa hoik tat tix heue.

MATHIEX 20:28

Awm Kawn kawn pui hoek sonsang kieh pui yuh son tix ang mawh, hoek sonsang yuh son pui mai tawx ju tix, kieh mawh ngawh riang pa taoh son pui khankix heue.”

MAKUX 10:44

Ka daux pex, pui mawx ang ah, pa mie ti giex kaing pex, tak mawh siliex pui khawmuik heue.

YOHAN 10:15

Awm tawng Keeing Cao ka Aux, Aux tawng ka Keeing Cao mai Aux tik ju tix yum son yung khankix heue.

YOHAN 13:14

Phan Aux pa mawh Simiang cao gau hoik khoek caong pex, viang pex kawx khaw ti khoek ka caong paox tix, tix kaux lai tix kaux heue.

2 KAWRINTHUX 5:21

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

2 KAWRINTHUX 8:9

Grawh grawng nawh pex tawng grawng bwanson Simiang ex Yesux Khrit, grawng hoik mawh Nawh pa mi pa koe kawx, Nawh Cao hoik lih mawh pa hot pa sibhawm, sonsang lih mawh pex pa mi pa koe, kheu pa hot pa sibhawm Nawh Cao heue.

KALATIX 3:13

Cao Khrit hoik taoh ex khaing pa jhax lawg lox lai beenli, kheu hoik mawh Nawh pa jhax lawg son ex, grawh grawng nawh hoik tiiem ti deuh ah nin, “Pa preue ka piang khaox ku kaux daux pui, mawh pa jhax lawg heue.”

TITUX 2:14

Kaw pa hoik tawx tokaux tix son ex, son sang taoh Nawh ex khaing daux phimap khawmuik, yuh ti kieh pui tix ceu singax son sang mawh cie tokaux tix, pa nied ti coca ti yuh kaing pa mhawm heue.

HEBRIE 5:8

viang Nawh mawh Kawn tete kawx, Nawh hoik gau ti chix cu nghiet ka ceu pa kham geu Nawh khankix,

1 PETRUX 1:19

Viang mawh nan hoik taoh pex ka nham pa ngawh, pa awm nham kawn yung pa ang koe dee ne pa loig, pa mawh nham Cao Khrit heue.