MAKUX 10:38 - Wa Common Language Translation

³⁸ Yesux ah nin ka kiex, “Pax ang tawng grawng pa rawg pax. Pax chix nyaux kawk pa nyaux Aux lie? Phan ang mawh nan, pax chix kham krax cubcom pa cubcom Aux lie?”

MAKUX 10:38 Iomraidhean Croise

1 SIMIANG 2:22

Mai simiang Sawlamon pawk lox miex tix ah nin, “Jao patix maix lai mhaing Adawniyax moeng Abisha kawn bun veng Shunam, deeh baox mhaing meung haktiex in ka son nawh ha, nawh mawh puxke aux, rawg ka son nawh mai son cao giex kaing li Abiata mai son Yuabax kawn simex Zeruya heue.”

YAOGYAW 75:8

Ka daux tawm taix Siyiex, koe kawk pa hoik naog rawm plix siiet pa khiien heue. Nawh prauk rawm plix siiet pa hoik klao mai rawm sidah lih heue. Kawn pui piang haktiex pa ang rah ang see khankix khawmuik biiet tix nyaux ka glhaok an heue.

ISAYAX 51:22

Simiang maix, pa mawh Siyiex mai pa mawh Siyiex maix, pa hoik prawng ca son pui nawh khankix, ah nin jhak heue, Aux hoik teei kawk nyaux pa hoik koe maix krax pa tu tiex tix ka an pa mawh kawk nyaux krax pa song rhawm Aux, hu khaing daux taix maix, maix tak ang lai yaox ti nyaux khaix in heue.

YERAMIX 25:15

15 Siyiex, pa mawh Siyiex ceu pui Isarelax ah nin ka aux, “Teei kawk rawm plix siiet krax meet rhawm in khaing daux tawm taix Aux mai kieh ceu pui pa ploi Aux maix hu ka khawmuik nyaux heue.

YERAMIX 45:5

Mawh sawg maix ka ceu pa kied ting lhaong ka son tix lie? Paw lai sawg kah, Siyiex ah nin, Aux tak sang viex krax kha rhawm hoek piang can pa koe nex koe nham khawmuik heue. Viang mawh nan, Aux tak tawx ju ka maix awm kraung pa pon rhim ti teei ka can dee sang hu maix heue.”

MATHIEX 26:39

Nawh Cao hu sivoe ceeix mai grux gup mai rawg bwan, ah nin, “Keeing Aux eue, phan chix, kieh kawk in luan khaing Aux liak, viang mawh nan paw kieh mawh alo Aux, kieh mawh alo pa caw pa khaw rhawm Maix heue.”

MATHIEX 3:6

Kix krai doh ka phimap tokaux tix mai cubcom ka daux tawm taix nawh ka daux rawm klawng ting Yawdan heue.

MAKUX 14:36

Nawh Cao ah nin, “Abax, Keeing eue, Maix chix yuh kuceu heue. Teei kawk in khaing Aux liak, viang mawh nan, paw kieh mawh alo pa khaw caw rhawm Aux, kieh mawh pa khaw caw rhawm Maix heue.”

LUKAX 12:50

Lheu khaing an, Aux koe krax cubcom, pa tak lai cubcom Aux ka tix ceu mai ka ang nyang bax hoik bawg yam an, Aux kied khi rhawm ka miex ding heue.

LUKAX 22:42

ah nin, “Keeing eue, phan Maix koe rhawm, teei kawk in khaing Aux liak, viang mawh nan paw kieh mawh alo pa khaw caw mai Aux, kieh mawh alo pa khaw caw Maix heue.”

YOHAN 18:11

Mawh kheu nan Yesux ah nin ka Petrux, “Teei vaid maix deeh sau ka daux phak tix. Kawk pa hoik tawx Keeing Cao ka Aux, Aux tak ang lai nyaux kah lie?”

ROMAX 8:26

Awm an, Khuan Cao teem ex, ka daux pa iak riang rao ex heue. Ex ang tawng grawng khaw ti rawg bwan yuh ka mawx, viang mawh nan, tokaux Khuan Cao khyox khaw son ex ka lox ngia pa ang jheeh chix ah heue.

YAKOP 4:3

Pex rawg mai ang pon, mawh kheu rawg pex pa ang khaw, sonsang shiao ka son alo nex nham tix heue.